Björn Bragi Arn­ars­son uppi­stand­ari lofar „per­sónu­legra gríni en áður“ í nýrri sýn­ingu. Í lok októ­ber í fyrra ját­aði hann að hafa áreitt 17 ára stúlku kyn­ferð­is­lega.

„Síðasta haust var ég að spá í að flytja úr landi og koma aldrei aftur,“ skrif­aði hann á Facebook á fimmtu­dag. „Í stað­inn fáið þið uppi­standið Björn Bragi Djöf­uls­son, föstu­dag­inn 13. sept­em­ber í Gamla bíói. Anna Svava verður með mér og hitar upp. Vil þakka Leoncie fyrir að hafa komið með heitið á sýn­ing­unni en hún kall­aði mig þessu geggj­aða nafni í kommenta­kerfi DV.“

Björn Bragi flutti hins vegar ekki úr landi heldur tók aftur þátt í sýn­ingum Mið-Íslands í Þjóð­leik­hús­kjall­ar­anum sem byrj­uðu á ný í jan­úar á þessu ári. Sýn­ing­arnar hafa verið ein helsta tekju­lind með­lima hóps­ins, en sam­kvæmt álagn­ing­ar­skrá rík­is­skatt­stjóra þén­aði Björn Bragi tæp­lega 1,5 millj­ónir á mán­uði á síð­asta ári. Þá var Björn Bragi einnig spyrill í Gettu betur, en hann sagði starfi sínu lausu vegna máls­ins.

Nýja sýn­ingin hefur vakið hörð við­brögð á sam­fé­lags­miðlum. „Þetta mál var alla­vega upp­spretta margra brand­ara á Mið-Ísland uppi­standi sem ég fór á í jan­úar (bæði hjá honum og öðrum),“ skrifar Twitter-not­and­inn Þóra Sif Guð­munds­dóttir. „Fannst það mjög óvið­eig­andi. Enn fremur skil ég ekki hvernig sú stað­reynd að hann káf­aði á 17 ára stúlku telj­ist sem gott efni í grín.“

Björn Bragi bað stúlk­una opin­ber­lega afsök­unar og sendi hún frá sér yfir­lýs­ingu þar sem hún sagði sig og for­eldra sína taka afsök­un­ar­beiðn­inni. Í kjöl­farið steig önnur kona fram og sagði Björn Braga hafa áreitt sig og vin­konur sínar.

„Ég á tvær litlar dætur, ég vil ekki að þær alist upp í þjóð­fé­lagi þar sem það telst eðli­legt og sam­þykkt að skemmti­kraftar á fer­tugs­aldri eru að káfa á og reyna við ungar stelpur,“ skrifar Guðný Thoraren­sen á Twitter. „Hættið að kóa með þessum mönnum! Þetta er ekki eðli­leg hegðun.“