Þrjár konur sem Stundin ræddi við hafa upp­lifað mikil veik­indi eftir að hafa fengið grædda í sig brjóstapúða. Konurnar voru að sögn allar heilsu­hraustar fyrir og hurfu ein­kennin að miklu eða öllu leyti eftir að þær létu fjar­lægja púð­ana. Þær vilja vekja athygli á hætt­unum sem fylgja ígræðslum brjóstapúða og vara konur við að fara í aðgerðir af þessum toga, en lækn­is­fræðin hefur ekki getað útskýrt sam­eig­in­leg ein­kenni sem konur með brjóstapúða um allan heim segj­ast finna fyrir. Hvorki Embætti land­læknis né Lyfja­stofnun hafa tæm­andi upp­lýs­ingar um notkun brjóstapúða hér­lendis.

Fjöldi kvenna hefur deilt sögum á net­inu af þessum ein­kennum, en þau eru meðal ann­ars síþreyta, lið- og bein­verkir, heila­þoka, kvíði, bólgur, höf­uð­verkir og maga­vanda­mál. Í fjöl­mennum Facebook-hópum, bæði íslenskum og alþjóð­legum, er vanda­málið kallað Breast Implant Illness (BII), en veik­indin eru ekki við­ur­kennd undir því nafni. Hugtakið virð­ist notað sem yfir­heiti yfir þessi og fleiri ein­kenni og lýsa þau …