Mikill samdráttur í farþegafjölda á Keflavíkurflugvelli

Farþegum um Kefla­vík­ur­flug­völl fækk­aði um 13% í mars miðað við sama mánuð í fyrra. Áhrif falls WOW air voru þá ekki komin fram. Ferða­mála­stjóri spáir erf­iðum mán­uði í ferða­þjón­ustu.

Þetta kemur fram í umfjöllun Morg­un­blaðs­ins í dag. Um 6% sam­dráttur var í far­þega­fjölda fyrstu tvo mán­uði árs­ins og mun hann aukast tölu­vert vegna falls WOW air. Skarp­héð­inn Berg Stein­ars­son ferða­mála­stjóri segir að þó að önnur flug­fé­lög hafi fjölgað ferðum muni það aðeins fela í sér brot af sæta­fram­boði WOW air. Ekkert hafi heyrst af áhuga fleiri flug­fé­laga um að auka fram­boðið og þá spili kyrr­setn­ing á Max-þotum Icelandair líka inn í.

„Maður heyrir það til dæmis frá fyr­ir­tækjum sem bjóða afþr­ey­ingu í ferða­þjón­ust­unni að það er all­nokkur sam­dráttur í apríl miðað við sama mánuð í fyrra. Myndin mun skýr­ast þegar flug­tölur fyrir apríl verða birtar,“ segir Skarp­héð­inn.