Formaður félags heilsu­gæslu­lækna segir skort vera á heilsu­gæslu­læknum víða um land. Staðan sé ekki nútíma­fólki bjóð­andi.

„Það er skortur á heilsu­gæslu­læknum á stórum svæðum úti á landi. Hún er brota­kennd og það er stóra vanda­málið. Það er verið að redda mál­unum með af leys­ingum til skamms tíma og er eig­in­lega ekki nútíma­fólki bjóð­andi,“ segir Salóme Ásta Arn­ar­dóttir, for­maður Félags heilsu­gæslu­lækna, við Frétta­blaðið í dag.

Salóme segir að heilsu­gæslu­læknar séu nú um 200 á land­inu en þyrftu að vera 400 til að stand­ast sam­an­burð við Norð­ur­löndin. Segir hún vanta fjár­magn frá hinu opin­bera til þess að hægt verði að fjölga nemum í heilsu­gæslu­lækn­ingum.

„Við erum um 200 núna og á sama tíma erum við að útskrifa um átta á ári og helm­ingur heilsu­gæslu­lækna hættir á næsta ára­tug vegna ald­urs,“ segir Salóme. „Það eru ein­stak­lingar sem vilja vera heim­il­is­læknar en það er bara ekki pláss fyrir fleiri en 40 nema í einu.“