Stór eignarhaldsfélög, útgerðarfélög, fasteignajöfrar og verslanir voru á meðal stærstu styrktaraðila Sjálfstæðisflokksins í fyrra. Flokkurinn fékk rúmar 15 milljónir króna frá lögaðilum í styrki, en rúmar 44 milljónir frá einstaklingum.
Sjálfstæðisflokkurinn tapaði 15 milljónum króna í fyrra samkvæmt endurskoðuðum ársreikningi sem Ríkisendurskoðun hefur birt. Eigið fé flokksins var 361 milljón króna í árslok 2017 og skuldaði flokkurinn tæpar 422 milljónir.
Framlög ríkissjóðs til Sjálfstæðisflokksins námu tæpum 102 milljónum króna í fyrra og framlög sveitarfélaga tæpum 18 milljónum. Reykjavíkurborg greiddi tæpar 6 milljónir, Kópavogsbær 2 og hálfa milljón og Garðabær 2 milljónir.
Um 60 lögaðilar styrktu flokkinn á síðasta ári. Á meðal þeirra voru fyrirtæki í sjávarútvegi áberandi. Fiskafurðir - umboðssala ehf., Fiskeldi Austfjarða, Hvalur ehf., Ísfélag Vestmannaeyja, Vinnslustöðin og Vísir styrktu öll flokkinn um hámarksupphæð, 400 þúsund krónur. Önnur félög í sjávarútvegi styrktu um lægri upphæðir. Ísfélag Vestmannaeyja og Skinney - Þinganes, sem einnig styrkti flokkin, eru bæði hluthafar í Morgunblaðinu.
Þá eru félög í fjárfestingum og fasteignaviðskiptum áberandi á listanum. Eignarhaldsfélögin Gani ehf. í eigu Tómasar Kristjánssonar og Snæból ehf., í eigu hjónanna Steinunnar Jónsdóttur og Finns Reyrs Stefánssonar, styrktu bæði um hámarksupphæð. Bæði eru félögin meðal stærstu hluthafa leigufélagsins Heimavalla. Annað félag Tómasar, Sigla ehf., styrkti einnig um 400 þúsund krónur.
Félög í verslun styrktu einnig flokkinn um hámarksupphæð, meðal annars bílasalan BL, heildsölurnar Ísam og Mata og Síminn. Byggingarfélag Gunnars og Gylfa styrkti einnig um 400 þúsund og það gerðu einnig Kvika banki, Algalíf og lögmannsstofan Juris. Loks kemur fram að leigutekjur flokksins og aðildarfélaga hafi verið tæpar 56 milljónir króna á síðasta ári.
Styrktaraðilar Sjálfstæðisflokksins
2G ehf. 400.000
Advocatus slf. 100.000
AH verktakar ehf. 100.000
Algalíf Iceland ehf. 400.000
Arctic Fish ehf. 200.000
Athafnafélagið slf. 100.000
Álnabær ehf. 100.000
Bergur Konráðsson 100.000
BL ehf. 400.000
Borgun hf. 250.000
Brekkuhús ehf. 400.000
Byggingarfélag Gylfa og Gunnars hf. 400.000
Bær hf. 150.000
Cargo flutningar ehf. 300.000
Dalborg hf. 400.000
Efla hf. . 100.000
Fiskafurðir - umboðssala ehf. 400.000
Fiskeldi Ausfjarða hf. 400.000
Fiskvinnslan Kambur hf. 200.000
Gani ehf. 400.000
Geco ehf. 30.000
GIG fasteignir ehf. 100.000
Globus hf. 50.000
Guðmundur Runólfsson hf. 250.000
Guðmundur Arason ehf. 100.000
HEF kapital ehf. 400.000
HH byggingar ehf. 200.000
Hlér ehf. 400.000
Hólmagil ehf. 400.000
Hraðfrystihúsið Gunnvör hf. 100.000
Hvalur hf. 400.000
Höldur ehf. 50.000
IceMar ehf. 100.000
Ísam ehf. 400.000
Ísfélag Vestmannaeyja hf. 400.000
J.E. Skjanni ehf. 300.000
John Lindsay hf. 200.000
Juris slf. 400.000
Kaðall ehf. 200.000
KEA svf. 250.000
Kristjánssynir-byggingafél ehf. 200.000
Kvika banki hf. 400.000
Landberg ehf. 200.000
Mata hf. 400.000
Oddi prentun og umbúðir ehf. 100.000
Selvík ehf. 400.000
Sigla ehf. 400.000
Síminn hf. 400.000
Skeifan 9 ehf. 350.000
Skinney-Þinganes hf. 300.000
Snæból ehf. 400.000
Stormtré ehf. 250.000
Tak-Malbik ehf. 200.000
Valshöfði ehf. 75.000
Vatnsholt ehf. 200.000
Vélar og verkfæri ehf. 100.000
Vinnslustöðin hf. 400.000
Vísir hf. 400.000
VSB-verkfræðistofa ehf. 75.000
Auðmenn
Auka hlut sinn í Laxá í Aðaldal
Jeremy Corbyn gagnrýnir Ratcliffe: „Hagnaðist á mengun“
Fjölmiðlafólk í boðsferð til Vopnafjarðar á kostnað James Ratcliffe
Sósíalistar vilja útsvar á fjármagnstekjur
Níræð þénaði 365 milljónir í sjávarútvegi í fyrra
Athugasemdir