„Noregur er það land í heim­inum sem gengur mest á nátt­úr­una út af umfangi lax­eldis norskra fyr­ir­tækja, og ekki bara í Noregi heldur líka á Íslandi ... Þegar lax­eld­is­fyr­ir­tækin geta ekki vaxið meira í Noregi, meðal ann­ars út af skað­legum áhrifum þess á umhverfið, þá fara þau til ann­arra landa, meðal ann­ars Síle og Íslands,“ segir Mikael Frödin, blaða- og flugu­veiði­maður, sem í byrjun nóv­em­ber var dæmdur fyrir að kafa að lax­eld­is­kví í Alta­firð­inum í Norður-Noregi í sumar og taka upp mynd­band af eld­is­löx­unum í kvínni. Dómurinn var kveð­inn upp í hér­aðs­dómi í Alta. 

Frödin segir að um hafi verið að ræða „neyð­ar­rétt“ af hans hálfu þar sem almenn­ingur verði að fá að vita hvaða afleið­ingar lax­eldi í sjó­kvíum hafi á vist­kerfið og nátt­úr­una. Frödin gerði mynd­bandið fyrir banda­ríska úti­vist­ar­merkið Pata­gonia og segir hann að upp­takan verði notuð í heim­ilda­mynd um nátt­úru­vernd sem fata­merkið er að gera. Stofn­andi og and­lit …