Jónas Garðarsson er hæst launaði verkalýðsleiðtogi landsins

Jónas Garð­ars­son, for­maður Sjó­manna­fé­lags Íslands, var með rúm­lega 1,9 millj­ónir króna í mán­að­ar­laun árið 2016. Það gerir hann að hæst laun­að­asta verka­lýðs­leið­togi lands­ins. Til sam­an­burðar var Gylfi Arn­björns­son, fyrr­ver­andi for­maður Alþýðu­sam­bands Íslands, með tæp­lega 1,4 millj­ónir króna í mán­að­ar­laun sama ár. Félags­menn Alþýðu­sam­bands­ins eru um 133 þús­und en félags­menn í Sjó­manna­fé­lagi Íslands eru um 600 tals­ins. Jónas hefur ekki svarað fyr­ir­spurn Stund­ar­innar þess efnis hvort tekjur hans komi alfarið frá Sjó­manna­fé­lagi Íslands.

Bergur Þor­kels­son gjald­keri Sjó­manna­fé­lags­ins var með ríf­lega 1,2 millj­ónir króna í tekjur á mán­uði árið 2016. Árs­tekjur þeirra Jónasar og Bergs voru því rúm­lega 38 millj­ónir króna árið 2016, sam­kvæmt upp­lýs­ingum frá rík­is­skatt­stjóra sem nálg­ast má á vef­síð­unni tekjur.is. Þrír starfa á skrif­stofu félags­ins, Jónas, Bergur og rit­ari.

Miklar deilur hafa staðið um Sjó­manna­fé­lag Íslands að und­an­förnu eftir að Heiðveig María Ein­ars­dóttir, sjó­maður og við­skipta­lög­fræð­ingu var rekin úr félag­inu á dög­unum. Var Heiðveig sögð hafa skaðað hags­muni félags­ins með gagn­rýni sinni á það og var henni vikið úr félag­inu af trún­að­ar­manna­ráði þess, af þeim sökum.

Ítarlega er fjallað um Sjó­manna­fé­lag Íslands, deil­urnar þar og for­mann­inn Jónas Garð­ars­son í nýju tölu­blaði Stund­ar­innar sem kom út í dag.