Björn Bragi hættir í Gettu betur

B

jörn Bragi Arn­ars­son hefur ákveðið að hætta sem spyrill í spurn­inga­keppn­inni Gettu betur. Björn Bragi við­ur­kenndi að hafa áreitt 17 ára stúlku kyn­ferð­is­lega um helg­ina. Hann segir að með því að stíga til hliðar sem spyrill vilji hann axla ábyrgð sína.

Björn Bragi ját­aði í færslu á Facebook að hafa snert 17 ára stúlku „á ósæmi­legan hátt“ og baðst afsök­unar í nótt. Myndband sem sýnir atvikið fór á dreif­ingu á sam­fé­lags­miðlum í gær­kvöldi. Brot Björns Braga gætu varðað við allt að tveggja ára frang­elsi sam­kvæmt almennum hegn­ing­ar­lögum.

Björn Bragi hefur síð­ustu fimm ár verið spyrill í Gettu betur, spurn­inga­keppni fram­halds­skóla, í Rík­is­sjón­varp­inu. Dag­skrár­stjóri sjón­varps, Skarp­héð­inn Guð­munds­son, sagði í tölvu­pósti til Stund­ar­innar í morgun að ekki væri búið að taka ákvarð­anir um stöðu Björns Braga hjá Rík­is­út­varp­inu. Björn Bragi hefur nú sjálfur lýst því að hann sé hættur. Færslu hans má lesa hér að neðan.

 „Vegna þess atviks sem nú er til umræðu hef ég ákveðið að stíga til hliðar sem spyrill í Gettu betur. Með þess­ari ákvörðun vil ég axla ábyrgð í verki.

Ég vil ekki að þetta atvik eða umræða um það varpi skugga á það frá­bæra prógram sem Gettu betur er. Ég hef rætt við Skarp­héð­inn Guð­munds­son dag­skrár­stjóra og greint honum frá ákvörðun minni, sem hann virðir og styður.

Ég hef átt fimm góð ár í hlut­verki spyrils. Þátt­ur­inn mun halda áfram að blómstra með nýjum spyrli og því ynd­is­lega fólki sem vinnur að þætt­inum.“