Logi segir Katrínu „tala niður“ Evrópusambandið

Logi Ein­ars­son, for­maður Sam­fylk­ing­ar­innra, gagn­rýnir Katrínu Jak­obs­dóttur for­sæt­is­ráð­herra fyrir að „tala niður“ Evr­ópu­sam­bandið. Hann segir evr­una stöðugan og trú­verð­ugan gjald­miðil sem geri það að verkum að mat­ar­k­arfan sé ódýr­ari og hús­næð­is­kostn­aður bæri­legri á evru­svæð­inu heldur en á Íslandi. Þetta kemur fram í stöðu­upp­færslu sem Logi birtir á Facebook. 

Tilefni færsl­unnar eru orða­skipti Katrínar Jak­obs­dóttur við Oddnýju Harð­ar­dóttur, þing­konu Sam­fylk­ing­ar­innar, um stöðu krón­unnar á Alþingi í morgun.

Benti Katrín á að ýmis ríki álf­unnar á evru­svæð­inu glímdu við veru­legan vanda í stjórn efna­hags­mála, „nú síð­ast Ítalía sem á í miklum deilum við yfir­stjórn Evr­ópu­sam­bands­ins vegna þeirra aðgerða sem þar er talað um að grípa til og krafna Evr­ópu­sam­bands­ins um auk­inn nið­ur­skurð í rík­is­rekstri“. Sagði Katrín að innan ESB hefði ekki verið gripið til aðgerða sem nauð­syn­legar væru til að  evran þjón­aði vel þeim ríkjum álf­unnar sem telj­ast á jað­ar­svæðum (e. per­ip­heral countries). 

Logi bregst við með eft­ir­far­andi stöðu­upp­færslu:

Á tímum þegar alþjóða­sam­vinna hefur aldrei verið mik­il­væg­ari talar Katrín Jak­obs­dóttir niður okkar mik­il­væg­asta sam­starfs­að­ila; Evr­ópu­sam­bandið.

Í and­svari sínu í dag, við mik­il­vægri fyr­ir­spurn Oddnýjar Harð­ar­dóttir um dýfu krón­unnar, sagði Katrín Evruna ekki þjóna íbúum Evr­ópu­sam­bands­ins og að rann­sóknir hafi sýnt að jað­ar­svæði innan Evr­ópu­sam­bands­ins hafi ekki hagn­ast á aðild. 

Evran er engin töfra­lausn en hún er stöð­ugur og trú­verð­ugur gjald­mið­ill. Gjald­mið­ill sem heldur vöxtum og verð­bólgu lágri og gerir það að verkum að mat­ar­k­arfan er ódýr­ari og hús­næð­is­kostn­aður er mun bæri­legri en á Íslandi. Fyrir utan að búa fyr­ir­tækjum örugg­ara rekstr­ar­um­hverfi og betri sam­keppn­is­hæfi.

Hér má sjá hag­vaxt­ar­þróun und­an­far­inna ára í Evr­ópu­sam­band­inu

Mynd: World Bank Data

Evr­ópu­sam­bandið hefur ekki verið jafn vin­sælt meðal íbúa þess í 35 ár og traust á Evru­svæð­inu fær­ist sífellt í auk­ana. Hag­vöxtur í Evr­ópu­sam­band­inu hefur ekki verið meiri í ára­tug.

Og talandi um jað­ar­svæði - þá eru fá lönd og svæði innan Evrópu sem hafa hagn­ast jafn mikið á sam­starf­inu. 

Sú stað­reynd að rík­ustu þjóðir heims í Vestur-Evrópu hafi ákveðið að taka inn Austur-Evrópu, nán­ast eins og hún lagði sig að loknu kalda stríði er ein stærsta þró­un­ar­að­stoðar- friðar og stöð­ug­leika­að­gerð mann­kyns­sög­unar.

En af því að tíma­bundin heimskreppa skall á (reyndar hvergi harðar en í „stöð­ug­leika­landi” krón­unnar) er aldrei talað um þetta.

Svæði innan Evr­ópu­sam­bands­ins á norð­ur­slóðum fá sér­staka land­bún­aðar- og atvinnu­styrki - svo ekki sé talað um bráð­nauð­syn­lega styrki til þró­unar og nýsköp­unar. Þar hefur Evr­ópu­sam­bandið verið leið­andi. Þetta eru digrir sjóðir sem við gætum sótt í sem aðild­ar­ríki.