Einkareknir fjölmiðlar flestir í tapi

Árs­reikn­ingar einka­rek­inna fjöl­miðla bera vott um erfið rekstr­ar­skil­yrði þeirra. Fjár­sterkir aðilar standa að baki sumum þeirra og fjár­magna tap­rekstur. Ráðherra hefur boðað stuðn­ing við rit­stjórnir einka­rek­inna fjöl­miðla, lægri virð­is­auka­skatt á netá­skriftir og veik­ara hlut­verk Rík­is­út­varps­ins á aug­lýs­inga­mark­aði.

Í skýrslu sinni í jan­úar sagði nefnd um rekstr­ar­um­hverfi einka­rek­inna fjöl­miðla umhverfið hafa verið erfitt und­an­farin ár. Árs­reikn­ingar und­an­far­inna ára hafi sýnt tap­rekstur flestra fjöl­miðla, nema Birtings, sem gefur út fjölda tíma­rita, og Myllu­set­urs, útgef­anda Við­skipta­blaðs­ins og ann­arra blaða. Í fyrra tap­aði hins vegar Birt­ingur 92 millj­ónum króna og aðeins þrír þeirra einka­reknu fjöl­miðla sem Stundin greindi árs­reikn­inga hjá skil­uðu hagn­aði.

„Ein af helstu áskor­unum íslenskra fjöl­miðla er sá mikli kostn­aður sem felst í því að halda úti öfl­ugum rit­stjórnum og frétta­stofum,“ segir í skýrslu nefnd­ar­innar. „Rit­stjórnir eru fámennar hér á landi og fámennið leiðir til þess að minni tími gefst til að vinna efni og sinna flókn­ari verk­efnum og rann­sókn­ar­blaða­mennsku …