Flokk­arnir í minni­hluta borg­ar­stjórnar gagn­rýna nýjan meiri­hluta Sam­fylk­ingar, Við­reisnar, Pírata og Vinstri grænna, en á ólíkum for­sendum. Sós­í­alistar segir fáa og smáa brauð­mola til lág­launa­fólks og fátækra í sátt­mála meiri­hlut­ans, en Sjálf­stæð­is­menn gagn­rýna skort á skatta­lækk­unum. Full­trúar minni­hlut­ans hafa hist og stillt saman strengi.

„Meiri­hluta­sátt­mál­inn er frá­leit nið­ur­staða þess sem flokk­arnir sögðu og héldu fram í kosn­inga­bar­átt­unni, sem á end­anum sner­ist að miklu leyti um hús­næð­iskrepp­una, lág­launa­stefn­una og önnur hags­muna­mál hinna verra settu,“ segir Sanna Magda­lena Mörtu­dóttir, borg­ar­full­trúi Sós­í­alista­flokks­ins. „Þessi sátt­máli boðar engar aðgerðir sem máli skipta til að bæta lífs­kjör hinna lág­launa­fólks og ann­arra fátækra. Þeir brauð­molar sem þau fá eru bæði fáir og smáir.“

Eyþór Arnalds, odd­viti Sjálf­stæð­is­flokks­ins, segir nær ekk­ert vera um tölu­leg mark­mið í sátt­mála meiri­hlut­ans og að stór lof­orð flokk­anna séu horfin, til dæmis hvað varðar Miklu­braut í stokk. „Kjós­endur vildu breyt­ingar,“ skrifar Eyþór í færslu á Facebook. „Þær verða ekki að veru­leika með …