Þessi grein birtist upphaflega í Stundinni fyrir meira en 7 árum.

Vinir Hauks Hilmarssonar dreifðu límmiðum um miðborgina

„Hvar er Hauk­ur“ og „Þögn­in er ær­andi“ voru áletr­an­irn­ar. Spyrja hvort Katrín Jak­obs­dótt­ir for­sæt­is­ráð­herra sé sam­mála Er­dog­an. Óska far­ar­heim­ild­ar til Sýr­lands svo hægt sé að leita Hauks.

Vinir Hauks Hilmarssonar dreifðu límmiðum um miðborgina
Hvar er Haukur? Vinir Hauks Hilmarssonar, sem týndur er í Sýrlandi, dreifðu í fyrrakvöld límmiðum um miðborg Reykjavíkur til að minna á mál vinar síns. Mynd: Af Facebook-síðu Benjamíns Julians

Vinir og vandamenn Hauks Hilmarssonar, sem týndur er í Sýrlandi, gagnrýna íslensk stjórnvöld harðlega fyrir aðgerðarleysi þegar kemur að leitinni að Hauki. Síðastliðið miðvikudagskvöld dreifði hópur þeirra límmiðum um miðbæ Reykjavíkur þar sem minnt var á mál Hauks. Á límmiðunum var mynd af Hauki og áletranirnar „Þögnin er ærandi“ og „Hvar er Haukur?“. Miðarnir voru meðal annars límdir á Alþingishúsið, Stjórnarráðið og á Utanríkisráðuneytið.

Með aðgerðinni vildi hópurinn minna yfirvöld á að Haukur er enn týndur eftir að hafa farið til Sýrlands að berjast með Kúrdum gegn ISIS. Fyrstu fréttir af hvarfi Hauks bárust 6. mars síðastliðinn en hann var þá sagður hafa fallið í bardögum Kúrda við tyrkneska herinn 24. febrúar, í norðurhluta Sýrlands. Hópurinn sem um ræðir sendi frá sér tilkynningu þar sem segir að þau telji stjórnvöld hafa brugðist í málinu. „Enn hafa stjórnvöld ekki séð sóma sinn í að fordæma árásir Natóríkisins Tyrklands gegn Kúrdum í Sýrlandi, og/eða svarað Tyrkneskum stjórnvöldum sem kallað hafa Hauk hryðjuverkamann. Er Katrín Jakobs sammála Erdogan? Fannst henni árásir Tyrkja í Afrin viðbúnar?“ sagði enn fremur í tilkynningunni.

Vinir Hauks fjölmenntu á þingpalla 10. apríl síðastliðinn þar sem þau óskuðu liðsinnis þingmanna við leitina að Hauki. Í viðtali sem Stundin átti við Lárus Pál Birgisson, vin Hauks, þann sama dag kom fram að vinir Hauks hyggðust fara til Sýrlands og leita hans. Óskuðu þau eftir því að íslensk stjórnvöld tryggðu þeim örugga för á svæðinu, sem er á valdi tyrkneska hersins, með samningum við tyrknesk stjórnvöld. Enn hefur slík ferðaheimild ekki fengist, að því er segir í fyrrnefndri yfirlýsingu. „Enga hjálp varðandi það virðist vera að fá frá VG og co. Ekkert heyrist frá þeim um málið. Þögnin er ærandi,“ segir í lok yfirlýsingarinnar.

 

 

 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Forsprakki útifundar játaði fjárdrátt á leikskólanum Klettaborg
4
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Fjölskyldurnar sem eiga fiskana í sjónum
6
GreiningSjávarútvegsskýrslan

Fjöl­skyld­urn­ar sem eiga fisk­ana í sjón­um

Inn­an við tíu fjöl­skyld­ur eiga og stýra stærstu sjáv­ar­út­vegs­fyr­ir­tækj­um lands­ins. Þau fyr­ir­tæki sem skráð hafa ver­ið á mark­að eru enn und­ir stjórn, og að uppi­stöðu í eigu, þeirra ein­stak­linga sem fengu gjafa­kvóta. Fjár­fest­ing­ar eig­enda út­gerð­anna í öðr­um og óskyld­um grein­um nema tug­um millj­arða og teygja sig í maj­ónes­fram­leiðslu, skyndi­bitastaði, trampólín­garða og inn­flutn­ing á bleyj­um og síga­rett­um.

Mest lesið í mánuðinum

Nýtt efni

Mest lesið undanfarið ár