Í til­efni þess að almenn­ings­sal­erni fyrir not­endur Strætó í Mjódd í Breið­holti hafa verið einka­vædd, og fram­vegis verður rukkað 200 krónur fyrir notkun þeirra, hafa Pepp Ísland - sam­tök fólks í fátækt, lýst yfir mót­mælum. 

Síð­ast­lið­inn föstu­dag voru almenn­ings­sal­erni í skipti­stöð Strætó opnuð að nýju við form­lega athöfn, með þeim breyt­ingum að not­endur verða rukk­aðir fyrir afnot af þeim. Þetta er aðeins byrj­unin á fyr­ir­hug­aðri bylgju einka­rek­inna sal­erna á Íslandi.

Verk­fræði­stofan Verkís og einka­hluta­fé­lagið Sannir land­vættir standa að rekstri og upp­bygg­ingu sal­ern­anna. Mark­miðið með stofnun Sannra land­vætta er að stuðla að upp­bygg­ingum einka­rek­inna sal­erna um „allt land í sam­vinnu við land­eig­endur, sveit­ar­fé­lög og ríki.“

Í yfir­lýs­ingu sam­tak­anna Pepp Ísland segir að um græðg­i­svæð­ingu sé að ræða. „Það er til skammar að græðg­i­svæð­ing nútím­ans sé slík að hún nái nú einnig yfir lík­ams­starf­semi fólks.“ Þá er vakin athygli á því að gjald­heimtan muni lenda á þeim sem síst mega við henni. „Hverjir eru það hér í höf­uð­borg­inni sem aðal­lega nota almenn­ings­sam­göngur? Jú það eru börn, ung­lingar og þeir tekju­lægstu í okkar sam­fé­lagi og því ætti að telja það sjálf­sagða þjón­ustu við not­endur að þeir hafi frían aðgang að snyrt­ingu, þurfi þeir á henni að halda.“ 

Yfirlýsing Samtaka fólks í fátækt

Ásta Dís Guð­jóns­dóttirFormaður sam­tak­anna Pepp Ísland, sem mót­mæla því að sal­erni fyrir far­þega Strætó séu einka­vædd.

Mynd: Heiða Helga­dóttir

„Pepp Ísland, sam­tök fólks í fátækt mót­mælir því að sal­erni, ætluð not­endum Strætó bs séu einka­vædd með auknum kostn­aði fyrir þá sem þjón­ust­una nota.

Hverjir eru það hér í höf­uð­borg­inni sem aðal­lega nota almenn­ings­sam­göngur?

Jú það eru börn, ung­lingar og þeir tekju­lægstu í okkar sam­fé­lagi og því ætti að telja það sjálf­sagða þjón­ustu við not­endur að þeir hafi frían aðgang að snyrt­ingu, þurfi þeir á henni að halda.

Það er til skammar að græðg­i­svæð­ing nútím­ans sé slík að hún nái nú einnig yfir lík­ams­starf­semi fólks og þó svo að það sé þekktur vandi að gengið sé illa um kló­sett sem ætluð eru almenn­ingi þá er lausnin ekki fólgin í því að refsa öllum og þá sér­stak­lega þeim sem ganga vel um og hlýta lögum og reglum sam­fé­lags­ins á sama tíma og þeir eru úti­lok­aðir frá vel­ferð­ar­sam­fé­lagi okkar með lágum launum/líf­eyri, sköttum, skerð­ingum og skömm.

Pepp Ísland, sam­tök fólks í fátækt mót­mælir því að lagðar séu slíkar auka­álögur á fátækt eins og þessi fram­kvæmd sann­ar­lega gerir.“