Örfirisey var talin besti kost­ur­inn fyrir olíu­birgð­ar­stöð í rann­sókn frá 2007 sem borg­ar­stjóri kall­aði eftir. Eyþór Arnalds, odd­viti Sjálf­stæð­is­flokks fyrir borg­ar­stjórn­ar­kosn­ingar, hefur kallað eftir íbúa­byggð með háhýsum í stað olíu­tankanna, en kostn­að­ur­inn við flutn­ing stöðv­ar­innar væri að minnsta kosti 13-16 millj­arðar króna.

„Grandinn er nú þegar með margs konar hverf­is­verslun og þjón­ustu en þar er ekki ein ein­asta skipu­lögð íbúð enda er svæðið skipu­lagt atvinnu- og hafn­ar­svæði,“ skrif­aði Eyþór  í Frétta­blað­inu 19. jan­úar. „Mögulegt er að byggja 10-15 þús­und manna byggð í áföngum í Örfirisey og bjóða þar fram mynd­ar­lega þróun byggðar sem myndi létta á ójafn­vægi í umferð og vera val­kostur fyrir fólk sem vill búa á mið­svæði.“

Sumarið 2006 óskaði Vil­hjálmur Þ. Vil­hjálms­son, þáver­andi borg­ar­stjóri og sam­flokks­maður Eyþórs, eftir grein­ingu á stað­setn­ingu olíu­birgð­ar­stöðv­ar­innar. Verk­efn­is­stjórn skil­aði af sér nið­ur­stöðum í októ­ber 2007 og kom fjöldi aðila að verk­inu, en danska ráð­gjaf­ar­fyr­ir­tækið COWI fram­kvæmdi áhættu­grein­ingu á stöð­inni. Fimmtán stað­ar­val­kostir …