Frænd­fólk og fyrr­ver­andi við­skipta­fé­lagar Bjarna Bene­dikts­sonar fjár­mála­ráð­herra og þáver­andi for­sæt­is­ráð­herra, töldu á sér brotið vegna umfjöll­unar Stund­ar­innar um við­skipti for­sæt­is­ráð­herra og fjöl­skyldu hans í kringum banka­hrunið 2008.

Þetta kemur fram í yfir­lýs­ingum sem lagðar voru fram af hálfu Glitnis HoldCo í stað­fest­ing­ar­mál­inu sem höfðað var fyrir Hér­aðs­dómi Reykja­víkur vegna lög­banns á frétta­flutn­ing Stund­ar­innar og Reykja­vik Media upp úr gögnum frá Glitni banka.

Í vara­kröfum Glitnis HoldCo var farið fram á að stað­fest yrði lög­bann sem tæki fyrst og fremst til upp­lýs­inga um fjár­hags­mál­efni Bjarna Bene­dikts­sonar fjár­mála­ráð­herra, fjöl­skyldu hans og við­skipta­fé­laga. Stundin og Reykja­vik Media voru sýknuð af þessum kröfum sem og öðrum í dómi Hér­aðs­dóms Reykja­víkur sem kveð­inn var upp í dag.

Töldu upplýsingarnar ekki eiga erindi við almenning

Fram kom í grein­ar­gerð lög­manna Stund­ar­innar, sem lögð var fram í Hér­aðs­dómi Reykja­víkur vegna lög­banns­máls­ins þann 31. októ­ber 2017, að við vinnslu frétta um fjár­mála­gjörn­inga Bjarna Bene­dikts­sonar og fjöl­skyldu hans hefði verið haft sam­band við aðila sem fjallað var um en við­kom­andi kosið að tjá sig ekki. Af þessu til­efni gáfu bróðir, föð­ur­systk­ini og frænd­fólk Bjarna Bene­dikts­sonar út yfir­lýs­ingar um að ekki hefði verið haft sam­band við þau þótt vikið hefði verið að við­skiptum sem þau áttu aðild að í umfjöllun Stund­ar­innar og Reykja­vik Media.

„Ég, und­ir­rit­aður, Jón Bene­dikts­son [...], kem fyrir í umræddri umfjöllun. Þar voru birtar upp­lýs­ingar um mína per­sónu og fjár­hag, sem ég tel að hafi brotið gegn lög­vörðum rétt­indum mínum, enda áttu þær ekk­ert erindi við almenn­ing,“ segir meðal ann­ars í yfir­lýs­ingu frá bróður Bjarna Bene­dikts­sonar fjár­mála­ráð­herra.

Sama orða­lag kemur fyrir í yfir­lýs­ingum frá frænd­fólki ráð­herra; Einari Sveins­syni, Guðrúnu Sveins­dóttur, Sveini Bene­dikts­syni, Ingi­mundi Sveins­syni, Benedikt Ein­ars­syni og Ástu Sigríði Ein­ars­dóttur, en jafn­framt frá við­skipta­fé­lögum þeirra: Hermanni Guð­munds­syni, Halldóri Teits­syni og Guð­björgu Eddu Egg­erts­dóttur. Öll eiga þau sam­merkt að hafa komið fyrir í frétt Stund­ar­innar um yfir­töku Eng­ey­inga á Olíu­fé­lag­inu hf. árið 2006, en í frétt­inni var greint frá því að kaupin hefðu verið nær alfarið fjár­mögnuð með kúlu­lánum frá Glitni. Þau benda á að ekki var haft sam­band við þau áður en fréttir birt­ust. Bjarni Bene­dikts­son var í for­svari fyrir fjár­festa­hóp­inn og kaus að tjá sig ekki við Stundina þegar eftir því var leitað. 

Engeyingar tilgreindir sérstaklega í stefnunni

Í stefnu Glitnis HoldCo gegn Stund­inni og Reykja­vik Media er sér­stak­lega til­greint að fyr­ir­ferða­mest í umfjöll­un­inni hafi verið „hags­munir og sam­skipti for­sæt­is­ráð­herra, Bjarna Bene­dikts­sonar, en einnig hafi verið fjallað um fjöl­marga aðra nafn­greinda ein­stak­linga, per­sónu­upp­lýs­ingar um þá og upp­lýs­ingar um hags­muni þeirra. Þetta hafi verið þau Benedikt Sveins­son, Einar Sveins­son, Benedikt Ein­ars­son, Guðrún Sveindóttir, Ingi­mundur Sveins­son, Jón Bene­dikts­son, Sveinn Bene­dikts­son, Hermann Guð­munds­son, Hjalti Geir Krist­jáns­son, Guðbjörg Edda Egg­erts­dóttir og Ásta Sigríður Ein­ars­dóttir. Þá hafi jafn­framt verið fjallað um fjár­hags­mál­efni lög­að­ila sem höfðu verið við­skipta­menn stefnda, til að mynda N1 hf., Hró­mundur ehf, Haf­silfur ehf., BNT hf., Hængur ehf. og Hólmur ehf.“ 

Fram kemur að Glitnir HoldCo hafi talið úti­lokað að tryggja lögvarin rétt­indi og hags­muni sína og við­skipta­manna sinna án þess að krefj­ast lög­banns á frétta­flutn­ing Stund­ar­innar og Reykja­vik Media.

Stefn­andi hafi talið ill­mögu­legt að áætla um hversu marga við­skipta­menn hefðu ellegar verið birtar upp­lýs­ingar án lög­banns. „Í því sam­bandi bendir stefn­andi á að í nýlegri frétt stefndu hafi verið að finna upp­lýs­ingar um lán­veit­ingar til svo­kall­aðra „Eng­ey­inga“ og við­skipta­fé­laga þeirra.“ 

Í vara­kröfu Glitnis Holdco, sem kom fram þann 18. des­em­ber síð­ast­lið­inn, er farið fram á að stað­fest verði lög­bann sem taki ein­vörð­ungu til rúm­lega þús­und skjala sem til­greind eru og sögð úr kerfum Glitnis. Þetta eru einkum gögn sem hafa að geyma upp­lýs­ingar um við­skipti Bjarna Bene­dikts­sonar, frænd­fólks hans og við­skipta­fé­laga þess, en jafn­framt varðar stór hluti gagn­anna félagið Kristinn ehf., félag Guð­bjargar Matth­í­as­dóttur útgerð­ar­konu í Vest­manna­eyjum og eins stærsta eig­anda Morg­un­blaðs­ins til margra ára. 

Fyr­ir­vari: Fjöl­mið­ill­inn Stundin er aðili að lög­banns­mál­inu sem hér er fjallað um.