Selur bankann sem fjölskyldan átti

Glitn­is­gögnin, sem Stundin fjall­aði um haustið 2017 og aftur ári síðar eftir að lög­bann á umfjöll­un­ina var fellt úr gildi, vörp­uðu nýju ljósi á þátt­töku Bjarna Bene­dikts­sonar fjár­mála- og efna­hags­ráð­herra í við­skiptum fjöl­skyldu sinnar með hluta­bréf Íslands­banka og fjár­muni í sjóðum hans fyrir banka­hrun. Bjarni var á þessum tíma þing­maður Sjálf­stæð­is­flokks­ins, en átti mikla aðkomu að fjár­fest­ingum Eng­eyj­ar­fjöl­skyld­unnar svoköll­uðu sem var ráð­andi eig­andi Íslands­banka, bank­ans sem Bjarni stendur nú fyrir að selja að hluta úr rík­i­s­eigu.

Bjarni var stjórn­ar­for­maður í tveimur félögum fjöl­skyld­unnar, sem var stærsti lán­tak­andi Íslands­banka á sama tíma og hún var ráð­andi eig­andi bank­ans. Hæst fóru lán bank­ans til Eng­ey­inga í 20 pró­sent af eig­in­fjár­grunni hans árið 2006, en voru 15 pró­sent við hrun bank­ans. Bjarni tók einnig þátt í Vafn­ings­flétt­unni svoköll­uðu, sem talin var auka áhættu bank­ans sem þá hafði breytt um nafn og hét Glitnir, og í kjöl­farið seldi fjöl­skyldan hluta­bréf í bank­anum fyrir …