Hörður Arnarson er hættur sem for­stjóri Lands­virkj­unnar. Þetta var til­kynnt á starfs­manna­fundi Lands­virkj­unnar en til­kynn­ing hefur verið birt á vef Lands­virkj­unnar.

Kristín Linda Árna­dóttir, aðstoð­ar­for­stjóri Lands­virkj­unar mun taka tíma­bundið við starfi for­stjóra frá og með 1. nóv­em­ber næst­kom­andi þar til nýr for­stjóri verður ráð­inn. 

Hörður tók við stjórn fyr­ir­tæk­is­ins síðla árs 2009, í miðju efna­hags­hruni, og á þeim 17 árum sem hann hefur gegnt starf­inu hafa orðið stakka­skipti á bæði rekstri Lands­virkj­unar og raf­orku­mark­aðnum á Íslandi.

Í til­kynn­ingu á vef Lands­virkj­unnar er haft eftir Herði: 

„Ég stíg bæði ánægður og stoltur frá borði eftir þessi sautján ár. Fyrst og fremst langar mig að þakka öllum þeim sem hafa lagt sitt af mörkum og átt þátt í þeim góða árangri sem við höfum náð fyrir Lands­virkjun og íslenskt sam­fé­lag – ekki síst starfs­fólki fyr­ir­tæk­is­ins. Það er ánægju­legt að skilja við Lands­virkjun jafn sterka og raun ber vitni.“