Gunnar Þór Gestsson, stofnandi hugbúnaðarráðgjafarfyrirtækisins Kappa, er skattakóngur í Skagafirði þetta árið og er í 48. sæti á Hátekjulista Heimildarinnar.

Árstekjur Gunnars námu tæpum 457 milljónum króna og greiddi hann tæpar 95 milljónir í fjármagnstekjuskatt.

Tilkynnt var um kaup Origo á Kappa í október í fyrra en fyrirtækið hefur sérhæft sig í innleiðingu Microsoft Business Central, nýjustu kynslóð viðskiptakerfa Microsoft. Origo hefur lagt áherslu á að styðja fyrirtæki og stofnanir í hagnýtingu Microsoft-lausna og voru kaupin liður í að framfylgja þeirri stefnu, að því er sagði í fréttatilkynningu.

Gunnar gekk til liðs við Origo með kaupunum og í samtali við Heimildina segir hann margt spennandi í gangi á nýjum vettvangi. Þá gekk teymi Microsoft-sérfræðinga Kappa til liðs við Origo við söluna en markmiðið var að dýpka hæfni félagsins til að veita viðskiptavinum sínum ráðgjöf og þjónustu þegar kemur að innleiðingu fjárhagskerfa.

„Ég er stoltur starfsmaður Origo,“ segir Gunnar. „Við …