„Við erum tilbúin til þess að líta á stöðuna með þeim hætti að hér sé að finna tækifæri fyrir aðila vinnumarkaðarins og stjórnvöld til að lagfæra viss atriði í samfélaginu,“ segir Sólveig Anna Jónsdóttir, formaður Eflingar. Ljóst þykir að forsendur kjarasamninga muni bresta í lok mánaðar þegar nýjar verðbólgutölur verða birtar.

Fyrirséð er að ársverðbólga muni mælast svo há að forsendur kjarasamninga bresta miðað við forsenduákvæði samninganna sem gerðir voru árið 2024. Í þeim féllstu verkalýðsfélög landsins á hóflegar hækkanir gegn því að verðbólgunni yrði náð niður fyrir fimm prósent, eða 4,7 prósent. Ekkert bendir til þess að verðbólgan fari niður fyrir nauðsynleg mörk eins og kveðið var á um í samningum.

Hlaupist undan merkjum

Formenn sex verkalýðsfélaga skrifuðu grein í byrjun vikunnar þar sem stjórnvöldum og fyrirtækjum var sendur tónninn. Halla Gunnarsdóttir formaður VR sagði þá að fyrirtæki á Íslandi hefðu hreinlega hlaupist undan merkjum og hækkað verðlag og …