Tveir karlmenn voru úrskurðaðir í gæsluvarðhald í Héraðsdómi Reykjaness í dag grunaðir um aðild að árás á mann í Kópavogi sem leiddi til andláts hans skömmu síðar. Dómari féllst á gæsluvarðhaldskröfu lögreglunnar á höfuðborgarsvæðinu á grundvelli rannsóknarhagsmuna að því er fram kemur í tilkynningu frá lögreglu.

Annar maðurinn var úrskurðaður í varðhald til 21. ágúst en hinn til 17. ágúst. Þá er sérstaklega tekið fram í tilkynningu lögreglu að mennirnir tveir séu annars vegar Íslendingur en hins vegar erlendur ríkisborgari. Ekki er tekið fram hvaðan sá maður er.

Mennirnir eru grunaðir um að hafa farið inn á heimili þolanda í Kópavogi í gær og ráðist þar á hann með þeim afleiðingum að hann lést síðar sama dag á Landspítalanum. Sá maður var einnig erlendur ríkisborgari og var á fimmtugsaldri.

Lögreglan var með mikinn viðbúnað vegna málsins í gær og voru gerðar húsleitir og nokkrir handteknir í tengslum við málið.

Lögreglan …