Á vor­mán­uðum árið 1973 var söng­leik­ur­inn Kabarett fyrst frum­sýndur á Íslandi, í Þjóð­leik­hús­kjall­ar­anum. Sýn­ing­unni var mis­vel tekið af gagn­rýnendum enda litu margir þeirra á söng­leiki sem fremur ómerki­legan pappír. Baldvin Hall­dórs­son olli síðan fjaðrafoki þegar hann hafn­aði Silf­ur­lamp­anum, verð­launum félags leik­dóm­ara, á verð­launa­af­hend­ingu sem fór fram eftir eina sýn­ing­una. Það er önnur saga. Nú ríf­lega hálfri öld síðar má sjá Kabarett aftur í Þjóð­leik­hús­kjall­ar­anum. 

Söng­leik­ur­inn fjallar um lista­fólk og fasta­gesti á Kit Kat klúbbnum í Berlín stuttu fyrir seinni heims­styrj­öld­ina. Banda­ríkja­mað­ur­inn Clifford Bradshaw kemur til borg­ar­innar með rit­vél í fartesk­inu og stóra drauma um að verða rit­höf­undur. Í lest­inni á leið­inni til Berlínar hittir hann Þjóð­verj­ann Ernst Ludwig sem aðstoðar Cliff að finna vist­ar­verur og kynnir hann fyrir fyrr­nefndum klúbbi þar sem hann hittir Sally Bowles, enska söng­konu sem fer sínar eigin leiðir. 

Metn­að­ur­inn sem lagður er í sýn­ing­una er magn­aður. Leikhús ókunn­uga fólks­ins sam­anstendur af risa­stórum hópi …