Tveir starfs­menn á Heilsu­gæsl­unni Miðbæ greindust með berkla­smit við skimun á starfs­fólki stöðv­ar­innar að því er segir í til­kynn­ingu frá Heilsu­gæslu höf­uð­borg­ar­svæð­is­ins. Fólkið er þó ekki smit­andi og sýnir engin ein­kenni berkla. „Skjól­stæð­ingar stöðv­ar­innar hafa því ekki verið útsettir fyrir smiti í sam­skiptum við starfs­menn­ina.“

Fram­línu­starfs­fólk HH var ski­mað fyrir berklum í örygg­is­skyni í kjöl­far þess að berklar greindust hjá starfs­fólki bráða­mót­tök­unnar nýlega. Fyrst á þeim starfs­stöðvum þar sem talið var lík­legt að starfs­fólk hefði verið í sam­skiptum við ein­stak­linga sem gætu verið smit­aðir af berklum.

„Í ljós kom að tveir starfs­menn Heilsu­gæsl­unnar Miðbæ eru með berkla­smit. Smit þýðir að bakt­er­ían greind­ist í blóði starfs­mann­anna. Þeir eru ekki með nein ein­kenni og eru ekki smit­andi. Starfs­menn­irnir tveir fara nú í frek­ari rann­sóknir og í kjöl­farið í við­tal og mögu­lega með­ferð hjá smit­sjúk­dóma­lækni.“

Berklar smit­ast við langvar­andi eða náin sam­skipti við ein­stak­ling sem hefur virka eða smit­andi berkla í lungum. Tekið er fram í til­kynn­ingu að þeir smit­ist ekki við snert­ingu, af yfir­borðum eða með því að nota áhöld eða fatnað sem smit­aður ein­stak­lingur hefur notað. 

Áfram verður haldið að skima fram­línu­starfs­fólk Heilsu­gæslu höf­uð­borg­ar­svæð­is­ins.