Krefst þess að Trump hætti að hóta yfirtöku Grænlands

Mette Frederik­sen, for­sæt­is­ráð­herra Dan­merkur, hvatti Banda­ríkin í dag til að hætta að „ógna sögu­legum banda­manni sínum“ í kjöl­far yfir­lýs­inga Donalds Trumps for­seta um að hann „þyrfti algjör­lega“ á Græn­landi að halda.

„Ég verð að segja þetta mjög skýrt við Banda­ríkin: það er alger­lega fárán­legt að segja að Banda­ríkin eigi að taka yfir stjórn á Græn­landi,“ sagði danski leið­tog­inn í yfir­lýs­ingu, eftir að Trump ítrek­aði ummæli sín um að Banda­ríkin ættu að inn­lima danska sjálf­stjórn­ar­svæðið.

Í yfir­lýs­ingu til Ritzau segir for­sæt­is­ráð­herr­ann:

„Ég verð að segja þetta mjög skýrt við Banda­ríkin: Banda­ríkin hafa engan rétt til að inn­lima eitt af þremur löndum ríkja­sam­bands­ins.“

Mette Frederik­sen tekur skýrt fram í yfir­lýs­ing­unni að Grænland, sem hluti af kon­ungs­rík­inu Danmörku, sé hluti af NATO og falli því undir örygg­is­á­byrgð NATO-banda­lags­ins.

„Við höfum þegar varn­ar­samn­ing milli kon­ungs­rík­is­ins og Banda­ríkj­anna sem veitir Banda­ríkj­unum víð­tækan aðgang að Græn­landi. Og við, af hálfu kon­ungs­rík­is­ins, höfum fjár­fest veru­lega í örygg­is­málum á norð­ur­slóðum,“ segir for­sæt­is­ráð­herr­ann, að sögn Ritzau.

Frederik­sen lauk máli sínu á því að hún „hvetji ein­dregið til þess að Banda­ríkin hætti hót­unum gegn sögu­lega nánum banda­manni og gegn annarri þjóð og öðru fólki sem hefur mjög skýrt sagt að það sé ekki til sölu.“