„Merkið Sýn er ágætt, og gefur til kynna hvað þeir bjóða upp á, sérstaklega í sjónvarpi, og að það sé einhvers konar sýn á hlutina,“ segir Anton Jónas Illugason, grafískur hönnuður og formaður FÍT, spurður út í nafnabreytingar Stöðvar 2. Sýn hefur nú lagt hinu fornfræga nafni sjónvarpsstöðvarinnar og má segja að hér sé um ákveðin vatnaskil að ræða í íslenskri fjölmiðlun. Merkið sjálft er látlaust og vísar augljóslega í mannsaugað. Það leysir af hólmi merki Stöðvar 2 sem Kristján E. Karlsson hannaði á sínum tíma. Það merki hefur gengið í gegnum alls kyns endurnýjun lífdaga, allt frá því að vera ansi dramatískt á tíunda áratug síðustu aldar yfir í að vera einfaldur kassi með tölustafnum tveimur inn í eins og undir það síðasta. 

Líflegur áratugur 

Anton hlær lágt spurður út í gamla merkið sem vekur eflaust nostalgískar hugsanir hjá áhorfendum á ákveðnum aldri, og segir tíunda áratuginn hafa verið …