Steina Árna­dóttir, hjúkr­un­ar­fræð­ingur, var í morgun dæmd sek fyrir sinn þátt í and­láti sjúk­lings á geð­deild Land­spít­al­ans sum­arið 2021. Steinu er þó ekki gerð nein refs­ing. Þetta kemur fram á vef Morg­un­blaðs­ins.

Dómurinn var kveð­inn upp í morgun og er Steinu gert að greiða dán­ar­búi Guðrúnar Sig­urð­ar­dóttur um 2,7 millj­ónir króna auk vaxta. Refsingu Steinu er frestað í tvö ár og fellur niður haldi hún almennt skil­orð.

Steina var sýknuð í fyrstu máls­með­ferð en Lands­réttur lagði það fyrir hér­aðs­dóm að rétta aftur í mál­inu þar sem dóm­ur­inn taldi að það hefði ekki reynt á fleiri laga­á­kvæði þegar kom að verkn­að­inum.

Steina neyddi tvo nær­ing­ar­drykki ofan í kon­unnar sem varð til þess að hún lést.

Dómur hefur ekki verið birtur á vef dóm­stól­anna.