Þrátt fyrir að aðhyll­ast gjör­ó­líkar stefnur á mörgum af mik­il­væg­ustu sviðum stjórn­mál­anna voru Jóhann Páll Jóhanns­son, þing­maður Sam­fylk­ing­ar­innar, og Snorri Másson, sem sæk­ist eftir odd­vita­sæti í Mið­flokknum, ekki reiðu­búnir að slá af borð­inu hugs­an­legt rík­is­stjórn­ar­sam­starf að kosn­ingum loknum.

Í nýjasta þætti Pressu mættu Jóhann og Snorri ásamt Lenyu Rún Taha Karim, vara­þing­manni og odd­vita Pírata í Reykja­vík norður, til þess að ræða stefnur og áherslur gagn­vart ýmsum mála­flokkum sem brenna á vörum lands­manna í aðdrag­anda kosn­inga.

Eftir að hafa rætt um rík­is­fjár­mál, hús­næð­is­mál, barna­bætur og leik­skóla­mál voru gestir að lokum spurðir hvort þeir sæju fyrir sér að vinna með hverjum öðrum í rík­is­stjórn­ar­sam­starfi. Lenya Rún taldi það vera óger­legt fyrir Pírata að semja um stjórn­ar­sátt­mála við Mið­flokk­inn og Sjálf­stæð­is­flokk­inn.

Of snemmt til að segja

Spurður hvort hann sæi fyrir sér að mynda rík­is­stjórn með Pírötum eða Sam­fylk­ing­unni sagð­ist Snorri ekki hafa umboð til þess hafa áhrif á slíkar ákvarð­anir.