Halla Hrund Logadóttir orkumálastjóri er sá forsetaframbjóðandi sem er á mestri siglingu samkvæmt nýjustu kosningaspá Heimildarinnar. Henni hefur tekist að þrefalda fylgi sitt frá því að fyrsta spáin var keyrð 13. apríl. Þá mældist hún með fimm prósent fylgi en það er nú komið upp í 15,4 prósent. Hún er þó enn í fjórða sæti yfir þá frambjóðendur sem mælast með mest fylgi en frestur til að skila inn framboði til forseta Íslands rennur út í dag.
Sá frambjóðandi sem flestir ætla að kjósa, nú þegar fimm vikur eru í kosningar, er Katrín Jakobsdóttir, fyrrverandi forsætisráðherra. Hún mælist með 28,5 prósent fylgi nú en var með 31 prósent í kosningaspánni sem keyrð var 13. apríl. Katrín er, enn sem komið er, eini frambjóðandinn sem náð hefur að kljúfa 30 prósent múrinn í spánni.
Baldur Þórhallsson, prófessor í stjórnmálafræði, virðist vera sá frambjóðandi í „efri deildinni“ – sem inniheldur þá frambjóðendur …
Athugasemdir (1)