Sigurður Hann­es­son, fram­kvæmda­stjóri Samtaka iðn­að­ar­ins, fékk alls 21,5 millj­ónir króna í laun fyrir að vera stjórn­ar­for­maður Kviku banka. Það gera um 1,8 millj­ónir króna á mán­uði að með­al­tali. Laun Sigurðar fyrir stjórn­ar­for­mennsk­una hækk­uðu á milli ára en hann var með tæp­lega 1,7 millj­ónir króna á mán­uði árið 2022. 

Samkvæmt hátekju­lista Heim­ild­ar­innar, sem birtur var í ágúst í fyrra, var Sigurður sá hags­muna­vörður lands­ins sem var með hæstu launin árið 2022. Að með­al­tali voru mán­að­ar­laun hans það ár rúm­lega 4,1 milljón króna. Þar var um að ræða bæði laun hans fyrir að sinna starfi fram­kvæmda­stjóra einna stærstu hags­muna­gæslu­sam­taka lands­ins og þau laun sem hann þáði fyrir stjórn­ar­for­mennsku í Kviku. 

Sig­urður var fyrst kjör­inn í stjórn Kviku banka á aðal­fundi hans í lok mars 2020. Hann hefur verið fram­kvæmda­stjóri Sam­taka iðn­að­ar­ins frá miðju ári 2017 en starf­aði þar áður um nokk­urra ára skeið sem fram­kvæmda­stjóri á eigna­stýr­ing­ar­sviði Kviku banka.