Almennar spurningar: 

1. Moctezuma eða Montezuma var konungur yfir þjóð nokkurri í byrjun 16. aldar. Hver var þjóðin?
2. Hver er varaformaður Sjálfstæðisflokksins?
3. Í hvaða landi er höfuðborgin Vín?
4. Miklatún í Reykjavík hefur einnig nafnið ... hvað?
5. Hvaða hljómsveit sendi frá sér plöturnar The Joshua Tree og Achtung Baby?
6. Í Njálu er frá því greint að kona sagði við aðra konu: „Illa fer þér og mun þín skömm lengi uppi.“ Við hvaða konu var þetta sagt?
7. En hvað hét konan sem sagði þetta? Hér þarf nafn hennar.
8. Evrópumeistaramót karla í handbolta er nýhafið. Hvaða þjóð hampar nú titli Evrópumeistara?
9. Bianca Censori er ástralskur arkitekt. Það verður að segjast að um þessar mundir er hún þekktust fyrir kærasta sinn eða eiginmann. Og sá er ... hver?
10. Hvað heitir það hinna fornu Eddukvæða sem segir fyrir um endalok heimsins?
11. En hvað heitir kvæðið sem er í reynd safn viturlegra spakmæla?
12. Hversu mörg börn á Kate Middleton?
13. Hvaða fjall er gjarnan nefnt „drottning íslenskra fjalla“?
14. Nú líður að Óskarsverðlaunatíð í kvikmyndaheiminum. Hvaða mynd fékk Óskarsverðlaun í fyrra sem besta myndin?
15. Bandaríska glæpaserían True Detective 4 var tekin að mestu hér á landi en á að gerast ... hvar?

Seinni mynd: 

Hvers konar fiskur er það sem hefur þróað með sér þetta óvenjulega höfuðlag með augu hvort á sínum „hamarsenda“?