Almanna­varnir hafa boðað rým­ingu á öllum íbúum í Grinda­vík. Víðir Reyn­is­son, yfir­lög­reglu­þjónn almanna­varna, kynnti rým­ing­una á blaða­manna­fundi almanna­varna rétt í þessu. 

Stór kviku­gangur er tal­inn teygja sig frá Sund­hnúka­gígum og undir byggð­ina í Grinda­vík. „Þarna er á ferð­inni mjög mikil kvika,“ segir Víðir.

„Ég ítreka það að þetta er ekki neyð­ar­rým­ing. Það er ekki bráð hætta yfir­vof­andi og rým­ingin er fyrst og fremst fyr­ir­byggj­andi örygg­is­ráð­stöfun. Akið var­lega, það er dimmt, og margir verða á ferð­inni. Förum okkur í engu óðs­lega.“

Hann ítrek­aði að fólk ætti að gæta að nágrönnum sínum og merkja heim­ili sín rýmd. „Takið upp gang­andi fólk ef rými er í bílnum.“

Atburður sem þessi hefur ekki átt sér stað síðan í Vest­manna­eyja­gos­inu 1973.

Eins og Heim­ildin greindi frá fyrr í kvöld hafði skjálfta­virknin á Reykja­nesskag­anum færst beint undir fæt­urna á fólki í Grinda­vík og var henni lýst sem öldu­gangi. Fyrir skemmstu voru eldri borg­arar á dval­ar­heim­il­inu Miðgarði fluttir burt í snatri.

Ugg­væn­leg mynd af skjálfta­síðu Veð­ur­stofu Íslands sýnir hvernig jarð­skjálfta­virkni hefur smám saman flust undir byggð­ina í Grinda­vík síð­asta sól­ar­hring­inn. Síðustu fjórar klukku­stundir hafa skjálftar yfir 3 að stærð fyrst og fremst mælst beint undir bænum.

Ekki hafa borist svör frá almanna­vörnum um merk­ingu þess. Samkvæmt fréttum Vísis hefur verið tekin ákvörðun um að rýma Grinda­vík í heild sinni.

Eld­fjalla- og nátt­úru­vá­r­hópur Suð­ur­lands sagði að neyð­ar­stigi hefði verið lýst yfir, sem síðar var stað­fest.

„Vís­bend­ingar eru um að kviku­gang­ur­inn sé kom­inn undir Grinda­vík. Neyð­ar­stigi hefur verið lýst yfir og rým­ing er að hefj­ast.“

Fyrr í kvöld sagði Víðir Reyn­is­son, yfir­lög­reglu­þjónn almanna­varna, í sam­tali við frétta­stofu Rík­is­út­varps­ins að „ef það verður gripið til rým­inga þá mun það ekki fara á milli mála“.

Loftmynd af svæð­inuKviku­gang­ur­inn liggur frá Sund­hnúka­gígum og undir Grinda­vík.

MYND: HEIMILDIN / JIS / LOFTMYNDIR EHF.

Skjálftar fær­ast undir byggð­inaKortið sýnir skjálfta yfir 3 að stærð síð­ustu tólf tíma. Blái lit­ur­inn táknar skjálfta fyrir 10 til 12 tímum en sá rauði nýleg­ustu skjálft­ana, frá tveimur til fjórum tímum. Á kort­inu sjást þeir beint undir byggð­inni í Grinda­vík.

Mynd: Veð­ur­stofa Íslands

Almanna­varnir greindu frá því fyrr í kvöld að kviku­gangur væri að brjóta sér leið í átt að yfir­borð­inu nærri Sund­hnúka­gígum, sem liggja um 3 kíló­metrum frá byggð­inni. Sprungan liggur í átt að bænum.

Björg­un­ar­sveitin Þorbjörn sendi fá sér eft­ir­far­andi til­kynn­ingu á Facebook rétt í þessu. 

„Aðstæður í Grinda­vík þessa stund­ina eru ekki eðli­legar. Það er gríð­ar­lega löng og öflug jarð­skjálfta­hrina í gangi núna sem sér ekki fyrir endan á.

Okkar fólk ásamt öfl­ugum hópum frá öðrum björg­un­ar­sveitum á Suð­ur­nesjum eru til taks í Grinda­vík og hafa verið að sinna minni­háttar verk­efnum. Mikill fjöldi fólks hefur yfir­gefið heim­ili sín en sem stendur er engin rým­ing í gangi og fólki óhætt að snúa til baka eins og þeim hentar.

Íþrótta­húsið í Grinda­vík er opið og þar getur fólk safn­ast saman.

Ef fólk situr heima í Grinda­vík og getur ekki yfir­gefið heim­ili sitt vegna ein­hvers en vill kom­ast í burtu þá er fólk beðið að hafa sam­band við 112 og óska eftir aðstoð. Fjölda­hjálp­ar­stöðvar hafa verið opn­aðar í Reykja­nesbæ, Kópavogi og á Selfossi og hvetjum við fólk til þess að leita þangað ef því vantar sama­stað.

Að lokum hvetjum við alla Grind­vík­inga til þess að kanna ástandið á sínu nán­asta fólki og nágrönnum.“

Rým­ing­ar­á­ætlun fyrir Grinda­víkAthugið að norð­ur­leiðin eftir Grinda­vík­ur­vegi er lokuð.

Mynd: Almanna­varnir