Hjón sem hafa fengið tíma­bundna vernd á Íslandi dvelja nú á hót­eli í Skugga­hverfi Reykja­víkur sem nefn­ist The Swan House. Þar hefur fleiri flótta­mönnum í svip­aðri stöðu verið komið fyrir, það er að segja fólki á flótta sem glímir við alvar­leg veik­indi. Þar eru meðal ann­ars konur sem lentu í sprengjuregni í Kænu­garði og eru nú í miðju bata­ferli vegna áverka af völdum þess. „Við ætl­uðum okkur alls ekki að yfir­gefa Kænugarð,“ segja þau Tetiana Rukh og mað­ur­inn hennar, Oleksandr Rukh, sem komu hingað frá Úkraínu. 

Hjónin eru bæði alvar­lega veik og komin vel á aldur. Tetiana, sem er fædd árið 1957, hefur verið krónískur astma­sjúk­lingur og öryrki af þeim sökum frá því að hún komst á fer­tugs­aldur; hún hefur einnig veikst af og sigr­ast á krabba­meini. Um ast­ma­köstin hefur Tetiana það að segja að þau fylgi and­legu álagi, til að mynda tók ast­minn á sig nýja og erf­ið­ari …