Hér er komin þema­þraut um Biblíuna og Bibl­íu­sög­urnar, Jesú og Guð, og kannski ekki sú fyrsta.

***

Fyrri auka­spurn­ing:

Hvaða frá­sögn Bibl­í­unnar er lýst á mynd­inni hér að ofan?

***

Aðal­spurn­ingar:

1.  Fyrsta Mósebók, og jafn­framt fyrsta bók Bibl­í­unnar í heild, heitir Genesis á alþjóða­málum, og lýsir því þegar Abraham og niðjar hans setj­ast að í Ísrael. Hvað heitir sú næsta — einnig á alþjóða­málum?

2.  En hvað svo sem hún heitir, um hvaða alkunnu stór­við­burði í lífi þjóð­ar­innar fjallar hún?

3.  Ísra­els­menn komu að lokum á fót ríki og kon­ungi. Fyrsti kon­ung­ur­inn hét Sál en hvað hét sá næsti?

4.  Næstu aldir voru Ísra­els­menn her­leiddir burt úr land­inu oftar en einu sinni, þar á meðal til stór­borgar einnar við Efrat-fljót sem heitir ... hvað?

5.  Í Bibl­í­unni kennir margra grasa og meðal bóka hennar eru Ljóða­ljóðin sem þykja skera sig nokkuð úr ... vegna hvers?

6.  Í hvaða bæ er Jesúa sagður hafa fæðst?

7.  Um Jesúa var sagt: „Sá kemur eftir mig sem mér er mátt­ugri og er ég ekki verður þess að krjúpa niður og leysa skó­þveng hans. Ég hef skírt ykkur með vatni en hann mun skíra ykkur með heilögum anda.“ Hver sagði þetta?

8.  Hvað hét æðsti prest­ur­inn í Jer­úsalem á dögum Jesúa?

9.  Hátíðin sem stóð yfir þegar Jesúa var kross­festur var haldin til að minn­ast hvers?

10.  „Þótt ég tal­aði tungum manna og engla, en hefði ekki kær­leika, væri ég hljóm­andi málmur eða hvellandi bjalla.“ Þetta skrif­aði Páll post­uli í bréfi til íbúa í til­tek­inni borg. Hvaða borg?

***

Seinni auka­spurn­ing:

Hvaða dæmisögu Jesúa frá Nasaret er máluð upp hér að neðan?

***

Svör við aðal­spurn­ingum:

1.  Exodus.

2.  Flótta þjóð­ar­innar frá Egifta­landi.

3.  Davíð.

4.  Babýlon.

5.  Vegna þess að þar er lýst hold­legum mun­aði.

6.  Betlehem.

7.  Jóhannes skír­ari.

8.  Kaíafas.

9.  Flóttans frá Egifta­landi.

10.  Kórintu.

***

Svör við auka­spurn­ingum:

Á efri mynd­inni er Abraham að búast til að fórna Ísak syni sínum að kröfu Guðs.

Á neðri mynd­inni er týndi son­ur­inn kom­inn heim. Takið eftir kálf­inum!