Fyrri aukaspurning:

Hver er á myndinni hér að ofan?

***

Aðalspurningar:

1.  Hvaða hljómsveit spilaði fyrst af öllum í Hörpu 4. maí 2011?

2.  Hvaða stjórnmálaflokkur kom fyrst inn á Alþingi árið 2013 er hann fékk þrjá þingmenn?

3.  Guadeloupe er svolítill eyjaklasi í Karíbahafi. Eyjarnar eru enn undir stjórn evrópsks (fyrrverandi) nýlenduveldis, sem er ... hvað?

4.  Hvaða mynt var notuð á Ítalíu áður en evran var tekin upp um aldamótin?

5.  Aðeins í einu landi hafa vatnsmelónur verið þróaðar þannig að þær eru kassalaga. Þannig er auðveldara að stafla þeim upp. Hvaða þjóð er svona dásamlega hagsýn?

6.  Hver var forsætisráðherra á Íslandi 2010?

7.  Hvað er Venusarflugnagildran?

8.  Hvaða nýja tegund af herskipum var fyrst notuð fyrir alvöru í síðari heimsstyrjöldinni og réði úrslitum, ekki síst í Kyrrahafsstyrjöldinni?

9.  Hvaða fjölmiðill hefur aðsetur í Hádegismóum?

10.  Hvaða íslensk höfðingjaætt hafði sínar aðalbækistöðvar í Dölunum á Sturlungaöldinni?

***

Seinni aukaspurning:

Hvaða borg má sjá hér?

***

Svör við aðalspurningum:

1.  Sinfóníuhljómsveit Íslands.

2.  Píratar.

3.  Frakkland.

4.  Líra.

5.  Japanir.

6.  Jóhanna Sigurðardóttir.

7.  Jurt, blóm.

8.  Flugvélamóðurskip.

9.  Morgunblaðið.

10.  Sturlungar,

***

Svör við aukaspurningum:

Á efri myndinni er Jóhannes Páll 2. páfi.

Á neðri myndinni eru Feneyjar.