806. spurningaþraut: Hér er ein spurning tekin orðrétt úr þættinum Hvað heldurðu frá 1988

Fyrri auka­spurn­ing:

Úr hvaða kvik­mynd er skjá­skotið hér að ofan?

***

Aðal­spurn­ingar:

1.  Hvaða ár er sagt að Alþingi Íslend­inga hafi verið stofnað?

2.  Hin fyrstu lög Íslend­inga eru sögð hafa verið byggð mjög á laga­bálki í Noregi og var sá bálkur kenndur við ákveðið þing þar í landi. Hvaða þing?

3.  Johnson for­sæt­is­ráð­herra Breta mun brátt láta af emb­ætti. Hver var for­veri hans í starfi?

4.  En hver var for­sæt­is­ráð­herra Breta þar á undan?

5.  Við hvaða íslenskan fjörð stendur Dalvík?

6.  Hver leikur aðal­hlut­verkið í mynd­inni Top Gun: Maverick sem sýnd hefur verið í bíó­húsum und­an­farið?

7.  Hvað reyndi Claus von Stauf­fen­berg árang­urs­laust að gera 20. júlí 1944?

8.  Hver kom fram á rit­völl­inn árið 1979 með bók­inni Hvunn­dags­hetjan: þrjár öruggar aðferðir til að eign­ast óskil­getin börn — og fylgdi svo bók­inni eftir ári seinna með bók sem hét Læknama­f­ían - lítil pen bók?

9.  Eftir því sem ég kemst næst stendur aðeins ein höf­uð­borg í Evrópu við sam­nefnda á og dregur þannig nafn sitt af ánni. Hvaða höf­uð­borg er þetta?

(Ef mér skjöplast og þið getið bent á fleiri ár, þá fáiði sér­stakt auka­stig fyrir hverja á!)

10.  Önnur höf­uð­borg í Evrópu heitir reyndar NÆSTUM ÞVÍ eftir ánni sem hún stendur við, því nafn borg­ar­innar er sam­sett úr nafni árinnar og til­teknu mann­virki sem reist var á 13. öld til að hafa hemil á ánni. Hvaða borg er þetta?

***

Seinni auka­spurn­ing:

Hvað nefn­ist þetta dýr?

***

Svör við aðal­spurn­ingum:

1.  930.

2.  Gulaþing.

3.  Teresa May.

4.  Cameron.

5.  Eyja­fjörð.

6.  Tom Cruise.

7.  Drepa Hitler. Þessi spurn­ing er tekin orð­rétt úr spurn­inga­þætt­inum Hvað held­urðu frá 1988.

8.  Auður Haralds.

9.  Moskvu. (Eins og mig grun­aði, þá var um fleiri ár að ræða, þó ég næði ekki að rifja það upp. Vín gefur auka­stig og Ljublana líka, þó það sé ögn flókn­ara mál.)

10.  Amster­dam.

***

Svör við auka­spurn­ingum:

Efri myndin er úr kvik­mynd­inni Casablanca.

Á neðri mynd­inni er aye-aye, sem nefndur hefur verið nagapi á íslensku þótt ekki sé um apa að ræða.