807. spurningaþraut: Hljómsveit, tónskáld, skáld, rithöfundur, tvær höfuðborgir

Fyrri auka­spurn­ing:

Hér að ofan má sjá tölvu­líkan af ... hvaða konu?

***

Aðal­spurn­ingar:

1.  Hvaða íslenska hljóm­sveit gaf árið 1976 út plöt­una Tivolí?

2.  Hvaða tón­skáld samdi á árunum 1718-1720 fjóra fiðlu­konserta sem ganga undir nafn­inu Árs­tíð­irnar fjórar?

3.  Medúsa hét skálda­hópur einn sem nokkuð bar á á árunum upp úr 1980. Hvaða lista­stefnu kenndu Medúsu-skáldin sig við?

4.  En hver var ann­ars hin upp­haf­lega Medúsa?

5.  Hvar var höf­uð­borg Vestur-Þýska­lands með það ríki var enn við lýði?

6.  En hver var höf­uð­borg Austur-Þýska­lands?

7.  Hvaða skáld­saga Halldórs Laxness er óhætt að segja að hafi náð mestri útbreiðslu utan­lands?

8.  Árið 1875 var mikið eld­gos á Íslandi og hafði í för með mikið ösku­fall sums staðar á land­inu. En hvar gaus?

9.  Sig­ur­verkið — svo heitir sögu­leg skáld­saga sem kom út í fyrra og er eftir höf­und sem er nú kunn­ari fyrir aðra sort af bók­menntum. Hver er þessi höf­undur?

10.  Verðlaun eru árlega veitt fyrir ýmsar list­greinar. Flest eru ein­fald­lega nefnd eftir við­kom­andi list­greinum, svo  sem íslensku bók­mennta­verð­launin og íslensku tón­list­ar­verð­launin, en leik­listar- og kvik­mynda­verð­launin heita sér­stökum nöfnum. Hver eru þau bæði?

***

Seinni auka­spurn­ing:

Hver er konan sem hér hefur nýtekið við stúd­ents­húfu sinni fyrir um 40 árum?

***

Svör við aðal­spurn­ingum:

1.  Stuðmenn.

2.  Vivaldi

3.  Súr­r­eal­isma.

4.  Forn­grískt skrímsli. Það má líka segja norn, þó það sé í raun­inni ekki nákvæm­lega rétt, ef Forn-Grikk­land fylgir með í kaup­unum.

5.  Bonn.

6.  Berlín, Austur-Berlín.

7.  Sjálf­stætt fólk.

8.  Askja.

9.  Arnaldur Ind­riða­son.

10.  Kvik­mynda- og sjón­varps­verð­laun heita Edda, leik­hús­verð­launin Gríma.

***

Svör við auka­spurn­ingum:

Konan á efri mynd­inni er ... stúlkan með perlu­eyrna­lokk­inn sem prýðir frægt mál­verk Vermeer.

Stúdínan á neðri mynd­inni er Alma Möller, síðar land­læknir.