Dag einn fór veröldin á hvolf

Nokkru eftir stúd­ents­prófið hafði ég brenn­andi ævin­týra­þrá að kom­ast til útlanda í nám en þar sem ég gat alls ekki fundið út hvað mig lang­aði að læra þá greip ég tæki­færið og hóf störf hjá Icelandair í Kaup­manna­höfn. Þegar maður er kom­inn út í lífið á eigin spýtur á erlendri grund þá tekur líka alvaran við, þótt vissu­lega hafi þetta verið skemmti­leg ár með ævin­týra­blæ. Mér fannst ég hafa himin höndum tekið að fá þetta tæki­færi. Ég flutt­ist um set til Amster­dam og svo áfram til London; það var topp­ur­inn – ys og þys átti vel við mig á þessum tíma og glamúr stór­borg­ar­lífs­ins í London.  

Dag einn fór ver­öldin á hvolf þegar árásin var gerð á Tví­bura­t­urn­ana í New York. Það hafði víð­tæk áhrif á heims­byggð­ina eins og allir vita, ferða­lög gjör­breytt­ust og margir misstu vinn­una, meðal ann­ars ég – það var áfall og hafði mikil áhrif á …