Hæ. Klikkið hér. Þá kemur þrautin frá í gær.
***
Aukaspurning, sú hin fyrri:
Konan á myndinni hér að ofan var fræg leikkona. Hvað hét hún?
***
Aðalspurningar:
1. Árið 1984 varð skelfilegt slys í borginni Bhopal þegar gas lak út úr verksmiðju. Mörg þúsund manns dóu. Í hvaða landi er Bhopal?
2. Hvað heitir ný plata Bubba Morthens?
3. Samkvæmt öllum venjulegum stöðlum um efnahagsstyrk einstakra ríkja eru Bandaríkin efst á lista og kemur það vart á óvart. En hvaða land er í öðru sæti?
4. Og hvaða land er í því þriðja?
5. Hvað heitir stærsta eyjan sem tilheyrir Ástralíu? (Fyrir utan Ástralíu-eyjuna sjálfa.)
6. Í hvaða borg var Checkpoint Charlie?
7. Hvað hét bandarísk sjónvarpssería sem gekk samfleytt frá 2004 til 2010 og fjallaði um hóp fólks sem varð innlyksa á eyðieyju í Suðurhöfum eftir að farþegaþota hrapaði þar niður?
8. Fyrst minnst er á sjónvarpsseríur, þá var ein afar vinsæl sería sem fjallaði um pólitík og valdabaráttu sýnd á árunum 2010-2013. Nú nýlega var tilkynnt, mörgum til gleði, að ný sería yrði svo sýnd á næsta ári. Hvað nefndist þessi seria?
9. Með hvaða körfuboltaliði spilaði Bandaríkjamaðurinn Michael Jordan lengst af?
10. Nena er þýsk söngkona sem fyrir tæpum þrjátíu árum sló í gegn með lagi um 99 ... hvað?
***
Aukaspurning, sú hin seinni:
Hér að neðan má sjá eina stærstu borg heimsins um 1500. Hún er enn á sínum stað og enn ein af stærstu borgum heimsins en þó gjörbreytt og heitir nú öðru nafni. Hvaða nafni?
***
Svör við aðalspurningum:
1. Indland.
2. Sjálfsmynd.
3. Kína.
4. Japan.
5. Tasmanía.
6. Berlín.
7. Lost.
8. Borgen.
9. Chicago Bulls.
10. Blöðrur, loftbelgi.
99 Luftballon heitir lagið á frummálinu þýsku. Sjá hér til hliðar!
***
Svör við aukaspurningum:
Leikkonan á efri myndinni er Bríet Héðinsdóttir.
Borgin, sem spurt er um í seinni aukaspurningu, heitir nú Mexíkó-borg, en var nefnd Tenochititlan á sínum tíma.
***
Athugasemdir