Tíu ára sonur minn sagði einu sinni við mig að ef hann gæti myndi hann ferð­ast aftur í tím­ann og drepa Adolf Hitler. Sonur minn veit hvað Hitler gerði. Hann skilur að ef Hitler hefði verið drep­inn áður en hann kom seinni heims­styrj­öld­inni af stað, sem leiddi til dauða tug­millj­óna og iðn­að­ar­morða þýska rík­is­ins á sex milljón gyð­ingum, þá hefði það komið í veg fyrir miklu stærri hörm­ungar en dauði Hitlers hefði verið. 

Í nýrri bók sinni, Stríð og kliði, spyr rit­höf­und­ur­inn Sverrir Norland spurn­inga sem tengj­ast þessu umræðu­efni – ill­virkjum Hitlers – þegar hann veltir fyrir sér stærsta vanda­máli sam­tím­ans: lofts­lags­vánni og útrým­ingu dýra­teg­unda heims­ins vegna meng­unar manns­ins og spill­ingar hans á nátt­úr­unni. 

Sverrir vísar í þýska heim­spek­ing­inn Theodor Adorno sem spurði þeirrar spurn­ingar  um miðja síð­ustu öld hvernig eig­in­lega væri hægt að yrkja ljóð eftir útrým­ing­ar­búð­irnar í Auschwitz. Hann spyr svo sjálfur hvernig hægt sé að semja …