Donald Trump, forseti Bandaríkjanna, hóf nýja lotu í tollastríði sínu við Kanada í gær með því að banna innflutning á áfengi og ýmsum öðrum vörum og hækka tolla á aðrar. Engin merki eru um að deilan sé í rénun.

Mark Carney, forsætisráðherra Kanada, stóð fastur fyrir en viðurkenndi að minnkandi efnahagstengsl við Bandaríkin hefðu kostnað í för með sér. Hann sagði ávinninginn þó vega þyngra en sársaukann.

Fjöldi kanadískra vara, allt frá dýnum til vélbáta og golfbíla, mun sæta 50 prósenta viðbótartolli frá og með 15. september, samkvæmt tilskipun Trumps sem gefin var út seint í gær.

Innflutningsbannið, sem beinist að ýmsum áfengum drykkjum auk sumra mjólkurvara, svo sem mysu, tekur gildi 29. september, samkvæmt öðrum tilskipunum sem gefnar voru út á sama tíma.

Hefndartollar Kanada höfðu tekið gildi gildi fyrr á þriðjudag og ná til innflutnings frá Bandaríkjunum að verðmæti um 2.400 milljarða króna, þar á meðal afurða …