Rík­is­stjórnin sam­þykkti í morgun til­lögu Ásmundar Einars Daða­sonar, félags- og barna­mála­ráð­herra, um að rann­saka hvort börn sem vistuð voru á með­ferð­ar­heim­il­inu í Varp­holti og síðar Lauga­landi 1997 til 2007 hefðu sætt illri með­ferð, and­legu eða lík­am­legu ofbeldi á meðan þau voru vistuð þar.

Annar fundur Ásmundar með full­trúum kvenna sem vistaðar voru á með­ferð­ar­heim­il­inu fór fram fyrr í dag og á honum til­kynnti Ásmundur kon­unum að umrædd rann­sókn muni fara fram. Áður hafði Ásmundur fundað með kon­unum síð­ast­lið­inn mánu­dag. Ákvað hann í kjöl­farið að að fela Gæða- og eft­ir­lits­stofnun félags­þjón­ustu og barna­verndar að fara í saumana á starf­sem­inni á umræddu ára­bili. Stofn­unin fer með eft­ir­lit með með­ferð­ar­heim­ilum Barna­vernd­ar­stofu en það hlut­verk var fært til stofn­un­ar­innar árið 2018.

„Mun Gæða- og eft­ir­lits­stofnun fara yfir öll til­tæk gögn máls­ins auk þess að taka við­töl við alla hlut­að­eign­andi aðila máls­ins – þá ein­stak­linga sem vistaðir voru á með­ferð­ar­heim­il­inu, rekstr­ar­að­ila og starfs­menn heim­il­is­ins ásamt ráð­gjafa sem önn­uð­ust mál­efni barn­anna. Nið­ur­staða stofn­un­ar­innar mun móta grund­völl að frek­ari við­brögum stjórn­valda“ segir í til­kynn­ingu frá stjórn­ar­ráð­inu.

Ellefu nafn­greindar konur höfðu farið fram á því í bréfi til Ásmundar að starf­semi með­ferð­ar­heim­il­is­ins yrði rann­sökuð. Ein þeirra, Brynja Skúla­dóttir, sat fund­inn með Ásmundi fyrr í dag og seg­ist hún mjög ánægð með nið­ur­stöð­una. „Ég er svaka­lega ánægð. Hann [Ásmundur] tal­aði um að það þyrfti að gera þetta vel. Hann sagði að það yrði farið mjög djúpt í hlut­ina og meðal ann­ars tekin við­töl við okkur og líka þá sem komu að okkar málum. Þetta var það sem við vildum. “