Rík­is­sak­sókn­ar­inn í Namibíu, Martha Imalwa, er bjar­stýn á að íslensk stjórn­völd muni aðstoð þar­lend yfir­völd við að sak­sækja þrjá núver­andi og fyrr­ver­andi starfs­menn Samherja sem emb­ætti hennar hefur ákveðið að ákæra í rann­sókn Sam­herj­a­máls­ins þar í landi. Imalwa talar um að sam­starf Namibíu og Íslands við rann­sókn máls­ins, sem kallað er Fishrot á ensku, hafi gengið vel hingað til. Hún telur að íslensk yfir­völd muni leggja sitt af mörkum í vinnu ákæru­valds­ins í Namibíu þrátt fyrir að ekki sé finna samn­ing um fram­sal sak­born­inga á milli Íslands og Namibíu. Frá þessu er greint í namibíska blað­inu The Namibian í dag og er vísað í við­tal sem blaðið tók við Iwalwa í gær. 

Forsíða The Namibian í dagSak­sókn­ar­inn sagður vera með Íslend­inga í neti sínu.

Eins og greint var frá í íslenskum og namibískum fjöl­miðlum á föstu­dag­inn stendur til að emb­ætti rík­is­sak­sókn­ara Namibíu ákæri þá Aðal­stein Helgason, Ingvar Júl­í­us­son og Egill Helga Árnason fyrir aðkomu sína að mútu­greiðslum til stjórn­mála- og áhrifa­manna í rekstri Samherja í Namibíu sem stóð yfir frá 2012 til 2019. Kveikur, Stundin, Wikileaks og Al Jazeera greindu frá mál­inu í nóv­em­ber 2019. 

Þegar Stundin spurði Aðal­stein Helgason að því í nóv­em­ber 2019 hvort hann hefði fyr­ir­skipað mútu­greiðslur í Namibíu sagði hann að það væru lygar: „Það eru lygar.“

Samherji sagði í frétt á heima­síðu sinni fyrir helgi að ákær­urnar ættu ekki við rök að styðj­ast og félagið myndi taka til varna af fullum krafti: „Ef ákæra verður gefin út á hendur áður­nefndum fyr­ir­tækjum gefst Samherja þá fyrst kostur á að koma fram vörnum sínum en slíkri ákæru verður varist af fullum krafti.“

Gott sam­starf við ÍslandRík­is­sak­sókn­ari Namibíu, Martha Imalwa, lýsir góðu sam­starfi við Ísland í rann­sókn Sam­herj­a­máls­ins.

Mynd: b'\x00\x00\x00'

Imalwa: Samkomulag á vegum Sameinuðu þjóðanna

Rétt­ar­höldin í mál­inu hefj­ast í apríl og eru alls 26 ein­stak­lingar og fyr­ir­tæki sem munu sæta ákæru. Þar eru 6 Namib­íu­menn, hinir svoköll­uðu „hákarlar“, 11 fyr­ir­tæki á þeirra vegum, Íslend­ing­arnir 3 og 5 fyr­ir­tæki í eigu Samherja: Esja Holding, Mermaria Seafood Namibia, Saga Seafood, Esja Invest­ment og Heinaste Invest­ments. 

Í sam­tali við The Namibian segir rík­is­sak­sókn­ar­inn að hún sé full­viss um að íslensk stjórn­völd, vænt­an­lega emb­ætti hér­aðs­sak­sókn­ara í Reykja­vík, muni sjá til að þre­menn­ing­arnir íslensku komi fyrir dóm­inn í Namibíu í apríl. „Ég veit að Ísland mun vinna með okkur,“ segir hún við blaðið. 

Þrátt fyrir skort á fram­sals­samn­ingi á milli land­anna þá eru bæði löndin aðilar að samn­ingum á vegum Sam­ein­uðu þjóð­anna um varnir gegn spill­ingu og skipu­lagðri glæp­a­starf­semi og segir Imalwa að sam­vinnan gæti farið á grund­velli þeirra. 

Hún segir enn fremur að mögu­legt sé að sak­sóknin geti átt sér stað í öðru landi jafn­vel þó ákæra sé gefin út í Namibíu. 

Ekki er alveg ljóst hvað Imalwa á við með þessum orðum sínum og virð­ist hún fyrst og fremst vera að velta fyrir sér mögu­leikum. 

Fjársvik og pen­inga­þvættiÍslend­ing­arnir þrír verða ákærðir fyrir fjár­svik og pen­inga­þvætti meðal ann­ars sam­kvæmt ákæru­skjal­inu sem lagt var fyrir dóm í síð­ustu viku.

Ákærðir fyrir fjársvik og peningaþvætti

Í ákærunni kemur fram að Íslend­ing­arnir þrír verði ákærðir fyrir fjár­svik eða til­raun til fjár­svik auk pen­inga­þvættis. Fjór­menn­ing­arnir Bernhard Esau, Sacky Shang­hala, James Hatuikulipi og Tamson Hatuikulipi verða einnig ákærðir fyrir þessi brot. Esau og Shangala verða ákærðir fyrir að mis­nota opin­ber emb­ætti sín með spilltum hætti fyrir fjár­hags­legan ávinn­ing og allir hinir ákærðu, fyrir utan einn sak­born­ing, verða ákærðir fyrir hlut­deild í þessum brotum ráð­herr­anna fyrr­ver­andi. 

Íslenskir ríkisborgarar ekki framseldir til Namibíu

Ólafur Hauksson hér­aðs­sak­sókn­ari segir að hann geti ekki tjáð sig um ein­staka ummæli rík­is­sak­sókn­ar­ans þar sem trún­aður ríki um það sam­starf sem fram fer við önnur lönd. Hann segir að þar sem um er að ræða rann­sókn sem fram fer í Namibíu þá sé það namibískra yfir­valda að tjá sig um málið. 

Helgi Magnús Gunn­ars­son, vara­rík­is­sak­sókn­ari á Íslandi, segir að sam­vinnan við namibísk yfir­völd hafi farið fram á grund­velli rétt­ar­beiðna frá Namibíu og þessar beiðnir hafi farið frá emb­ætti rík­is­sak­sókn­ara til emb­ættis hér­aðs­sak­sókn­ara sem rann­sakar málið á Íslandi.

Aðspurður út í orð rík­is­sak­sókn­ara Namibíu um sam­vinn­una við íslensk stjórn­völd um sak­sókn­ina gegn Sam­herj­a­mönn­unum segir Helgi Magnús að það muni ekki koma til þess að Ísland fram­selji íslenska rík­is­borg­ara til Namibíu vegna þess að slíkt sé lög­brot.  „Lögin segja skýrt að íslensk stjórn­völd fram­selja ekki íslenska rík­is­borg­ara til Namibíu,“ segir hann.  

Hvað nákvæm­lega Imalwa á við með ummælum sínum um íslensk yfir­völd muni aðstoða við að Sam­herj­a­menn­irnir svari til saka fyrir dómi í Namibíu liggur því ekki alveg ljóst fyrir.