Þrír Íslend­ingar, stjórn­endur fyr­ir­tækja sem tengj­ast Samherja í Namibíu, sæta ákæru fyrir aðild sína að mútu­máli. Þetta kom fram í máli sak­sókn­ara við fyr­ir­töku máls­ins fyrir dóm­stól í Windhoek í morgun.

Menn­irnir þrír eru sam­kvæmt ákæru­skjali Ingvar Júl­í­us­son, Egill Helgi Árna­son og Aðal­steinn Helga­son, að því Kjarninn greinir frá.

Greint var frá mútu­greiðslum Samherja í Namibíu í sjón­varps­þætt­inum Kveik, Stund­inni, hjá Al-Jazeera og á upp­ljóstr­un­ar­síð­unni Wikileaks í nóv­em­ber 2019. Sjö Namib­íu­menn eru ákærðir í mál­inu, þeir Bernhard Esau, fyrr­ver­andi dóms­mála­ráð­herra, Sacky Shang­hala, James Hatuikulipi, Mike Nghip­unya, Tamson Hatuiklu­lipi, Ricardo Gustavo and Pius Mwatelulo. Hage Geingob, for­seti Namibíu, hefur einnig verið bendl­aður við málið sem hefur skekið stjórn­málin þar í landi og SWAPO-flokk­inn sem hefur verið við völd um langt skeið.

Samherji birti í morgun til­kynn­ingu á heima­síðu sinni um málið og segir fyr­ir­tækið að ekk­ert óvænt sé í mála­ferlunum. „Á þriðja tug namibískra rík­is­borg­ara eru sak­born­ingar í mál­inu en við fyr­ir­töku í morgun var greint var frá því að sak­sókn­ari hefði í hyggju að bæta við ákæru á hendur á þremur namibískum félögum sem tengj­ast Samherja og stjórn­endum þeirra,“ segir á heima­síðu Samherja. „Samkvæmt namibískum lögum leiðir ákæra á hendur þessum fyr­ir­tækjum sjálf­krafa til þess að stjórn­endur þeirra sæta ákæru vegna stöðu sinnar.“