Í hverju felst hamingjan?

Ninný - Jónína Magnúsdóttir

Und­ir­staða ham­ingj­unnar að mínu mati er að ein­beita sér að því jákvæða í líf­inu, þróa með sér jákvæðar hugs­anir og þakk­læti fyrir það sem maður hefur. Ham­ingjan er því lífs­stíll sem hægt er að velja. Ham­ingjan felst í að njóta augna­bliks­ins, elska það sem er og sleppa eft­ir­sjá og of miklum vænt­ingum um fram­tíð­ina. Að rækta vini og ætt­ingja eins og fal­leg blóm því við upp­skerum eins og við sáum. Fylgja draumum sínum og vera trúr sjálfum sér. Fyrir mig hefur virkað vel að hug­leiða og kyrra hug­ann að morgni og að kveldi að fara yfir dag­inn og þakka fyrir allt það góða sem dag­ur­inn færði mér.

Hjördís Björg Andrésdóttir

Í ham­ingju felst vellíðan í sál­ar­tetr­inu. Það þarf að huga að innri líðan ásamt lík­am­legri til að líða vel og það getur skapað ákveðna ham­ingju. Í ham­ingju getur falist að fara í góðan göngutúr og njóta augna­bliks­ins ásamt nátt­úr­unni. Við gleymum okkur um stund þegar við gerum eitt­hvað skemmti­legt sem á hug okkar allan og það er ham­ingju­stund. Einnig þarf maður að horfa á það jákvæða í líf­inu og það er viss ham­ingja. Prjóna­skapur er mikil hug­arró og það að skapa og búa eitt­hvað til veitir gleði og ánægju. 

Mynd: Davíð Þór

Sveindís Anna Jóhannsdóttir

Hamingja mín felst í því að þekkja sjálfa mig og finna jafn­vægi í líf­inu, hvort sem það teng­ist fjöl­skyldu­lífi eða starfi. Dætur mínar, eig­in­maður minn, ynd­is­lega móðir mín sem er orðin 91 árs, systur mínar ásamt stór­fjöl­skyld­unni og vinum eru það dýr­mætasta í líf­inu. Ég er svo lánsöm að eiga dásam­lega fjöl­skyldu og vini þar sem fólk er til staðar fyrir hvert annað, bæði í gleði og sorg. Vinnan mín færir mér einnig ham­ingju. Ég starfa við það sem ég hef áhuga á og fæ hand­leiðslu í starfi sem hjálpar til við að halda jafn­væg­inu í línu­dansi lífs­ins.

Svandís Sturludóttir

Hamingja er ákvörðun sem ég vel á hverjum degi. Fyrir mig snýst hún um sátt, að vera sátt við lífið og taka á móti því eins og það er. Að geta verið með öllum til­finn­ingum mínum, líka þeim erf­iðu og mætt þeim af vin­semd. Að sýna mér vel­vild og standa við lof­orðin gagn­vart sjálfri mér. Ham­ingjan felst í að taka eftir og njóta litlu hlut­anna. Að fara yfir það sem ég er þakk­lát fyrir á hverjum degi. Að drekka kaffi­bolla á morgn­ana og hlusta á fugla­söng­inn. Að heyra hlátur og gleði í mínum og hlæja með þeim. Að elska og knúsa fólkið mitt og njóta þess sem lífið færir mér.

Mynd: aðsend

Páll Eysteinn Guðmundsson

Hamingja er lækj­ar­niður og lóu­söngur, urð og grjót upp í mót, fjalls­tindur og útsýni yfir fjöll og dali.