Keyptu eigin hlutabréf á 6 milljarða frá því neyðarstigi var lýst yfir

Fyr­ir­tæki í Kaup­höll­inni hafa end­ur­keypt eigin hlutafé fyrir rúma 6 millj­arða króna frá því að neyð­ar­stigi almanna­varna var lýst yfir 6. mars. End­ur­kaup koma oft í stað arð­greiðslna sem aðferð til að skila hagn­aði til hlut­hafa fyr­ir­tækj­anna.

Fyr­ir­tækin sem um ræðir eru Marel, Arion banki, Festi, Hagar, Reitir, Skelj­ungur og Heima­vellir. Sum þeirra hófu end­ur­kaupa­á­ætl­anir sínar eftir að neyð­ar­stigi hafði verið lýst yfir, en í öðrum til­vikum voru þær þegar hafnar. Sum fyr­ir­tækj­anna greiddu einnig út arð til hlut­hafa vegna síð­asta rekstr­ar­árs á meðan neyð­ar­stig stóð yfir, en önnur hafa frestað arð­greiðslum.

Á sama tíma hafa stjórn­völd gripið til aðgerða til að mæta þeim efna­hags­legu áföllum sem dunið hafa yfir í kjöl­far COVID-19 far­ald­urs­ins. Á meðal þeirra eru hluta­bóta­leiðin svo­kall­aða, þar sem starfs­hlut­fall starfs­manna er skert og þeim gert á móti mögu­legt að fá greiðslur úr rík­is­sjóði til að mæta tekju­tap­inu. Ekki liggur fyrir yfir­lit um hvaða fyr­ir­tæki …