Tígris­dýr í dýra­garð­inum í Brooklyn í New York-borg hefur greinst með kór­óna­veiruna. Þetta er fyrsta dýrið í Banda­ríkj­unum til að grein­ast með veiruna. Tígris­dýrið er fjög­urra ára gam­alt, að nafni Nadia. Þetta er fyrsta smitið sem grein­ist í dýri í Banda­ríkj­unum.

Sýnið var tekið eftir að þrjú ljón og þrjú önnur tígris­dýr í garð­inum fóru að sýna ein­kenni um önd­un­ar­sýk­ingu frá og með 27. mars síð­ast­liðnum. 

Talið er að smitið hafi borist frá ein­kenna­lausum dýra­garðs­starfs­manni. Yfir 330 þús­und manns hafa greinst með kór­óna­veiruna í Banda­ríkj­unum og er ein helsta mið­stöð far­ald­urs­ins í New York-borg. Hátt í 10 þús­und manns eru látin í land­inu.

Smitið var stað­fest í yfir­lýs­ingu frá dýra­eft­ir­liti land­bún­að­ar­ráðu­neytis Banda­ríkj­anna fyrr í kvöld.

Þrátt fyrir grein­ing­una er til­fellið ekki sagt vera vís­bend­ing um að dýr geti smitað menn. Þó er mælt með varúð.

„Þú ættir að tak­marka snert­ingu við gælu­dýr og önnur dýr meðan þú ert með smit af COVID-19, rétt eins og þú gerir gagn­vart fólki. Jafnvel þótt það hafi ekki verið til­kynn­ingar um veik gælu­dýr vegna COVID-19 í Banda­ríkj­unum, er enn mælt með því að fólk sem er smitað af COVID-19 tak­marki snert­ingu við dýr þar til meiri upp­lýs­inga hefur verið aflað um vírus­inn,“ segir í leið­bein­ingum land­bún­að­ar­ráðu­neyt­is­ins í Banda­ríkj­unum.

Um fimm þús­und tígris­dýr eru í Banda­ríkj­unum, ýmist í einka­eigu eða í eigu dýra­garða. Aðeins eru um 3.200 tígris­dýr eftir í nátt­úru­legum heim­kynnum sínum í heim­inum.