Sameyki býr sig undir „harðar vinnudeilur“ með því að efla verkfallssjóð sinn

Félags­fólk í Sameyki, stétt­ar­fé­lag í almanna­þjón­ustu, sam­þykkti á aðal­fundi sínum sem fram fór í gær að hækka félags­gjald sitt úr 1,0 í 1,1 pró­sent tíma­bundið til tveggja ára. Til­gang­ur­inn er að styrkja Vinnu­deilu­sjóð Sameykis fyrir kom­andi átök á vinnu­mark­aði. Í félag­inu eru alls tólf þús­und félags­menn.

Á aðal­fund­inum sagði Þórarinn Eyfjörð, for­maður Sameykis, að í ljósi þess hvernig umræðan hefði verið í sam­fé­lag­inu á vett­vangi atvinnu­rek­enda og sam­taka þeirra beri Sameyki að búa sig undir átök með því að efla vinnu­deilu­sjóð. Þrengt væri að lífs­gæðum með ásókn í opin­bera inn­viði þjóð­ar­innar ásamt aðgerða­leysi stjórn­valda í jöfnun launa á milli mark­aða. Sameyki yrði til­búið undir þær deilur með sterk­ari Vinnu­deilu­sjóði. Síðasta stóra alls­herj­ar­verk­fallið á Íslandi var árið 2015.

[adspot]Þórarinn sagði orð­ræðu atvinnu­rek­enda og hags­muna­sam­taka þeirra hafa verið harka­lega og ein­kennst af því að hugs­an­lega væri verið að hlaða í átök. „Í þess­ari stöðu teljum við vera skyn­sam­legt að búa okkur undir harðar vinnu­deilur og sendum út þau skila­boð að við séum við öllu búin þegar kjara­samn­ings­við­ræður hefj­ast. Það hefur sýnt sig að sterkur vinnu­deilu­sjóður hefur áhrif í vinnu­deilum.“

Kjara­samn­ingar á almennum mark­aði verða lausir síðar á þessu ári. Sameyki gerir kjara­samn­inga á almennum mark­aði við stóra vinnu­staði á borð við Isavia, Orku­veitu Reykja­víkur og Frí­höfn­ina.

Þórarinn segir að það liggi ljóst fyrir, við þær aðstæður, að þörf sé fyrir öfl­ugan Vinnu­deilu­sjóð. „Hækkun félags­gjalds­ins tel ég vera nauð­syn­lega aðgerð í að styrkja sjóð­inn til að efla bar­átt­una vegna kom­andi kjara­samn­inga.“