Óhag­stætt er að kaupa kjöt hjá Heim­kaupum, miðað við heim­send­inga­þjón­ustu Nettó, og hæsta verðið er almennt í Iceland en það lægsta í Bónus, sam­kvæmt nýrri könnun Alþýðu­sam­bands Íslands á verði jólamat­væla.

Meðal und­an­tekn­inga er verðið á frosnum, heilum kalkún. Í Bónus er kíló­verð kalkúns 1.598 krónur og einni krónu hærra í Krónunni, en í Nettó, Kjör­búð­inni og Iceland er kíló­verðið aðeins 1.198. Þannig geta spar­ast 2.400 krónur með því einu að kaupa sex kíló­gramma heilan kalkún í þessum þremur versl­unum frekar en í Bónus eða öðrum versl­unum með enn hærra verð. Ekki eru metin gæði vöru og ekki er til­tek­inn upp­runi hennar í könnun ASÍ.

Helst er það í kjöt­inu sem Nettó og Fjarð­ar­kaup veita Bónus og Krónunni harða verð­sam­keppni. Það er einnig í kjöti sem afbrigði eru í verð­lagn­ingu hjá Iceland, en í nán­ast öllum öðrum vöru­flokkum er Iceland með hæsta verðið, nokkru ofar en Hagkaup sem kemur næst. Costco er ekki mælt í verð­könnun ASÍ.

ASÍ kynnti nið­ur­stöður sínar rétt í þessu og til­greindi sér­stak­lega verð­mun í kjöti, en einnig er gegn­um­gang­andi veru­legur verð­munur á Bónus og Iceland.

„Mikill verð­munur var á jóla­mat í verð­könnun ASÍ sem fram­kvæmd var þriðju­dag­inn 17. des­em­ber. Oft var um 1.500-2.000 kr. verð­munur á kíló­verði af kjöti og getur því munað  háum upp­hæðum þegar kaupa þarf mikið magn af kjöti og mögu­lega fleiri en eina teg­und. Sem dæmi má nefna að 2.006 krónu eða 67% munur var á kíló­verði af  Kea hangilæri sem jafn­gildir 4.012 kr. verð­mun ef keypt er tveggja kílóa læri.

„Í mörgum til­fellum var einnig mik­ill munur á verði á öðrum algengum jóla­vörum eins og konfekti og ávöxtum og græn­meti“

Í mörgum til­fellum var einnig mik­ill munur á verði á öðrum algengum jóla­vörum eins og konfekti og ávöxtum og græn­meti. Má þar nefna að 1.730 kr. munur var á hæsta og lægsta verði á 2kg Quality Street konfekt dós. 

Bónus var oft­ast með lægsta verðið í könn­un­inni, í 75 til­vikum af 122 en Iceland oft­ast með hæsta verðið í 57 til­vikum. Þess ber þó að geta að lægsta verðið á kjöti dreifð­ist á margar versl­anir,“ segir í til­kynn­ingu ASÍ.

Verðið í könn­un­inniRauður litur merkir hærra verð, en grænn lægra.