Allir sýknaðir í Guðmundar- og Geirfinnsmálinu

Allir sak­born­ingar í Guð­mundar- og Geir­finns­mál­inu svo­kall­aða hafa verið sýkn­aðir af öllum ákæru­liðum. Dómur í mál­inu var kveð­inn upp rétt í þessu.

Fjöl­menni var við­statt dóms­upp­kvaðn­ing­una í Hæsta­rétti í dag, sem var sýnd í beinni útsend­ingu, þvert á almennar reglur rétt­ar­ins sem heim­ila ekki upp­tökur af dóm­haldi, en und­an­tekn­ing var gerð í þessu til­viki.

Mynd: Skjáskot.

Fyr­ir­fram var búist við sýknu­dómi, enda krafð­ist ákæru­valdið sýknu í sínum mál­flutn­ingi. Erfitt er að sjá hvernig rétt­ur­inn gæti sak­fellt í mál­inu þar sem eng­inn gerir kröfu um sak­fell­ingu. Mönnum greinir helst á í því hversu langt Hæsti­réttur mun ganga í að lýsa yfir sak­leysi ákærðu í dóms­nið­ur­stöðu sinni.

End­ur­upp­töku­nefnd féllst í febr­úar í fyrra á að dómur Hæsta­réttar í mál­inu sem felldur var árið 1980 skyldi tek­inn upp hvað varð­aði fimm sak­born­inga af sex. End­ur­upp­töku­beiðni Erlu Bolla­dóttur var hins vegar hafnað. Settur sak­sókn­ari í mál­inu, Davíð Þór Björg­vins­son, við það til­efni að sak­fell­ing í mál­inu hefði ekki verið studd við sönn­un­ar­gögn sem ekki verði véfengd með skyn­sam­legum rökum. Mál­flutn­ingur fór fram fyrir tæpum hálfum mán­uði.