Vinstri græn rekin með 13,7 milljóna tapi í fyrra

Vinstri hreyf­ingin - grænt fram­boð hefur skilað árs­reikn­ingi fyrir árið 2017 til Rík­is­end­ur­skoð­unar. Í til­kynn­ingu frá flokknum kemur fram að tap af rekstri nam 13,7 millj­ónum króna og var eigið fé nei­kvætt um 17,9 millj­ónir sam­kvæmt efna­hags­reikn­ingi.

Árið „2017 var kosið til Alþingis, annað árið í röð og var kostn­aður vegna Alþing­is­kosn­ing­anna 34 millj­ónir króna.“ Framlög rík­is­ins til hreyf­ing­ar­innar voru 46,5 millj­ónir á fjár­lögum og 9,4 millj­ónir vegna rekstrar þing­flokks­ins.

Ein­stak­lingar styrktu flokks­starf Vinstri grænna í fyrra um 11,5 millj­ónir króna, en fyr­ir­tæki styrktu hreyf­ing­una um 5,4 millj­ónir. Alls fékk flokk­ur­inn um 3,3 millj­ónir í félags­gjöld.

Sjö fyr­ir­tæki styrktu flokk­inn um 400 þús­und krónur sem er hámark­aði sam­kvæmt lögum: HB Grandi hf., MATA hf., Síminn hf., Brim hf., Kvika hf., Vísir hf. og Síld­ar­vinnslan hf. Tveir ein­stak­lingar gaf 400 þús­und, Ármann Jak­obs­son bróðir Katrínar Jak­obs­dóttur for­manns flokks­ins og Elva Dögg Krist­ins­dóttir.

Stærsti ein­staki kostn­að­ar­lið­ur­inn í rekstri hreyf­ing­ar­innar voru laun og tengd gjöld, nærri 38 millj­ónir króna.