Samkvæmt nýbirtum
úrskurði kjararáðs
hækka laun biskups, Agnesar Sigurðardóttur, um tugi prósenta. Í úrskurðinum kemur fram að biskup skuli hafa tæplega 1,2 milljónir í mánaðarlaun auk 40 fastra yfirvinnueininga. Ein eining er 9.572 krónur og laun biskups því eftir hækkun alls 1.553.359 krónur á mánuði.
Í úrskurði kjararáðs segir: „Með ákvörðun kjararáðs frá 19. júní 2007 voru laun biskups Íslands felld að sömu launatöflu og gilti fyrir aðra embættismenn sem kjararáð ákveður laun, en áður heyrði undir Kjaradóm að ákveða biskupi laun. Frá þeim tíma hafa laun hans tekið breytingum í samræmi við almennar ákvarðanir kjararáðs. Biskup Íslands er æðsti embættismaður hinnar stjórnarskrárbundnu íslensku þjóðkirkju. Við ákvörðun launakjara hans er höfð hliðsjón af því hlutverki hans og starfsskyldum samkvæmt lögum og starfsreglum sem og eðli og umfangi starfsins. Þá er einnig tekið mið af því innbyrðis samræmi sem kjararáði ber að gæta og áður er gerð grein fyrir.“
Hækkunin er afturvirk til 1. janúar 2017, samkvæmt úrskurðinum. Um næstu mánaðarmót mun biskup því fá eingreiðslu fyrir síðasta árið en sú upphæð nemur 3,3 milljónir króna.
Kjararáð tók kjör biskups til skoðunar eftir að biskup sendi bréf til ráðsins þess efnis, en biskup krafðist betri launa.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
atvinnumál
Þrjátíu úkraínskir flóttamenn þegar komnir með vinnu
Þeir sem fá dvalarleyfi hér á landi á grundvelli mannúðarsjónarmiða verði heimilt að vinna
Sigríður Ólafsdóttir
Draumastarf og búseta – hvernig fer það saman?
Þýskt fyrirtæki vill grafa eftir íslenskum vikri til sementsframleiðslu í Evrópu
Rúmlega 1,4 milljarðar í ráðningastyrki frá því í mars
Athugasemdir